ଭୁବନେଶ୍ବର: ଓଡିଶାରେ ଥିବା ସୋନୁ ସୁଦଙ୍କ ୱେଲଡିଂ ଦୋକାନରେ ଉଡିଲା ତ୍ରିରଙ୍ଗା । ଟ୍ବିଟ କରି ସ୍ବାଧିନତା ଦିବସର ଶୁଭେଚ୍ଛା ଜଣାଇଲେ ଅଭିନେତା ସୋନୁ ସୁଦ । ବଲିଉଡ ଅଭିନେତା ସୋନୁ ସୁଦ ମହାମାରୀ ସମୟରେ ଅନେକ ପ୍ରବାସୀଙ୍କୁ ନିଜ ଘରକୁ ଫେରିବାକୁ ସାହାଯ୍ୟ କରିଥିଲେ । ଏସମସ୍ତ ମଧ୍ୟରେ ଥିଲେ ଓଡିଶାର କେନ୍ଦ୍ରପଡାର ପ୍ରବାସୀ ପ୍ରଶାନ୍ତ କୁମାର ପ୍ରଧାନ ।
‘ସ୍ବାଧୀନତା ଦିବସର ଶୁଭେଚ୍ଛା, ଓଡିଶାରେ ମୋ ୱେଲଡିଂ ୱାର୍କସପରେ ଉଡିଲା ତ୍ରିରଙ୍ଗା’
ତାଙ୍କୁ କେରଳରୁ ଫେରେଇ ଆଣିବା ପାଇଁ ସୋନୁ ସୁଦ ସହାୟତା କରିଥିଲେ । ମେ 29ରେ ଏକ ସ୍ବତନ୍ତ୍ର ବିମାନ ଯୋଗେ କେରଳରୁ ଆସିଥିବା ପ୍ରବାସୀ ଶ୍ରମିକଙ୍କ ମଧ୍ୟରେ ପ୍ରଶାନ୍ତ ମଧ୍ୟ ଥିଲେ । ସେ କେରଳରେ ପାଇପ ମିସ୍ତ୍ରୀ ଭାବରେ କାର୍ଯ୍ୟ କରୁଥିଲେ । ସେ ଦିନକୁ 700 ଟଙ୍କା ରୋଜଗାର କରୁଥିଲେ ।