ହାଇଦ୍ରାବାଦ: ଆଲିଆ ଭଟ୍ଟଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର ଗଙ୍ଗୁବାଇ କାଠିଆୱାଡିର ଟ୍ରେଲର ରିଲିଜ ହୋଇଛି । କୋରୋନା ଭାଇରସ୍ ଲକଡାଉନ୍ ଯୋଗୁଁ ସଞ୍ଜୟ ଲୀଲା ଭଂସାଲୀଙ୍କ ଫିଲ୍ମ ଠିକ୍ ସମୟରେ ଶେଷ ହୋଇପାରିଥିଲା । ଏହା ପରେ ଫିଲ୍ମର ରିଲିଜ୍ ତାରିଖ କ୍ରମାଗତ ଭାବରେ ବଦଳାଯାଉଥିଲା କିନ୍ତୁ ବର୍ତ୍ତମାନ ପ୍ରଶଂସକଙ୍କ ଅପେକ୍ଷାର ଅନ୍ତ ଘଟିଛି । ଗଙ୍ଗୁବାଇ କାଠିଆୱାଡିର ଏହି 3 ମିନିଟ 15 ସେକେଣ୍ଡର ଟ୍ରେଲର ଧମାକାଦାର ହୋଇଛି । ଚଳଚ୍ଚିତ୍ରର ଟ୍ରେଲର ଦେଖିବା ପରେ ଆପଣ ବି କହିବେ ଯେ ଅପେକ୍ଷା କରିବାର ଫଳ ପ୍ରକୃତରେ ମିଠା ।
ସଞ୍ଜୟ ଲୀଲା ଭଂସାଲିଙ୍କ ନିର୍ଦ୍ଦେଶିତ ଫିଲ୍ମ 'ଗଙ୍ଗୁବାଇ କାଠିଆୱାଡି' ରିଲିଜକୁ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରିଛନ୍ତି । ଫିଲ୍ମର ଟ୍ରେଲର ପୂର୍ବରୁ ଆଲିଆ ଭଟ୍ଟ ଏବଂ ଅଜୟ ଦେବଗନଙ୍କ ଲୁକ୍ ଆଉଟ୍ ହୋଇଥିଲା । ଏଥିସହ ଏହି ସେଲିବ୍ରିଟିମାନେ ମୁମ୍ବାଇରେ ଫିଲ୍ମର ପ୍ରମୋଶନ କରୁଥିବା ଦେଖିବାକୁ ମିଳିଥିଲା। ଯେଉଁଠାରେ ଆଲିଆ ଶାଢୀ ଅବତାର ଏବଂ ନିଜ ଅନ୍ଦାନରେ ସମସ୍ତଙ୍କୁ ପାଗଳ କରିଦେଇଥିଲେ ।
'ଗଙ୍ଗୁବାଇ କାଠିଆୱାଡି'ର ପ୍ରମୋଶନ ପାଇଁ ଆଲିଆ ଭଟ୍ଟ, ଅଜୟ ଦେବଗନ୍ ଏବଂ ଚଳଚ୍ଚିତ୍ର ନିର୍ଦ୍ଦେଶକ ସଞ୍ଜୟ ଲୀଲା ଭଂସାଲୀ ମୁମ୍ବାଇରେ ନଜର ଆସିଥିଲେ। ଏହି ସମୟରେ ଅଭିନେତ୍ରୀ ଏକ ଧଳା ଏବଂ ହଳଦିଆ ରଙ୍ଗର ଶାଢୀରେ ନଜର ଆସିଥିଲେ । ଆଲିଆଙ୍କ ଏହି ଲୁକ୍ ବର୍ତ୍ତମାନ ଇଣ୍ଟରନେଟରେ ଭାଇରାଲ ହେବାରେ ଲାଗିଛି । ତେବେ ଆଲିଆ ଭଟ୍ଟ ଏହି ଫିଲ୍ମ ସହ ଜଡିତ ଏକ ନୂଆ ପୋଷ୍ଟର ସେୟାର କରିଥିଲେ । ଯେଉଁଥିରେ ଅଜୟଙ୍କ ଦେବଗନଙ୍କ ଫାଷ୍ଟ ଲୁକ୍ ସାମ୍ନାକୁ ଆସିଥିଲା। ତାଙ୍କର ପ୍ରଥମ ଲୁକରେ ଅଜୟ ଦେବଗନ୍ ମୁଣ୍ଡରେ ଏକ କ୍ୟାପ୍ ଏବଂ ହାତରେ ସାଲ୍ୟୁଟ୍ କରୁଥିବା ଦେଖିବାକୁ ମିଳିଥିଲା ।