ହାଇଦ୍ରାବାଦ: ପ୍ରସିଦ୍ଧ ଚଳଚ୍ଚିତ୍ର ନିର୍ମାତା ସଞ୍ଜୟ ଲୀଲା ଭଂସାଲୀଙ୍କ ଫିଲ୍ମ 'ଗଙ୍ଗୁବାଇ କାଠିଆୱାଡି' ଫେବୃଆରୀ 25ରେ ଦେଶର ସିନେମା ହଲରେ ମୁକ୍ତିଲାଭ କରିଛି । ଯେଉଁଥିରେ ଆଲିଆ ଭଟ୍ଟ ଗଙ୍ଗୁବାଇ ଭୂମିକାରେ ଅଭିନୟ କରିଛନ୍ତି। ଚଳଚ୍ଚିତ୍ରଟି ରିଲିଜ୍ ହେବା ମାତ୍ରେ ହିଁ ଧମାଲ ମଚାଇଦେଇଛି । ଫିଲ୍ମକୁ ପ୍ରଥମ ଦିନରେ ମିଳିଥିବା ପ୍ରତିକ୍ରିୟାରୁ ଏବେ ଏହା ମଧ୍ୟ କୁହାଯାଇପାରେ ଯେ ଆଲିଆ ଭଟ୍ଟ ଦର୍ଶକଙ୍କ ଆଶା ପୂରଣ କରିଛନ୍ତି। ଚଳଚ୍ଚିତ୍ରଟି ପ୍ରଥମ ଦିନରେ ପ୍ରାୟ 9.50 ରୁ 10 କୋଟି ରୋଜଗାର କରିଛି ।
ବାସ୍ତବରେ ଚଳଚ୍ଚିତ୍ର ସମାଲୋଚକ ତଥା ବ୍ୟବସାୟ ବିଶେଷଜ୍ଞ ରମେଶ ବାଲା ଟ୍ବିଟ୍ କରି ଫିଲ୍ମର ପ୍ରଥମ ଦିନର ବ୍ୟବସାୟ ବିଷୟରେ କହିଛନ୍ତି। ପ୍ରାୟ 10 କୋଟି ଟଙ୍କାରେ ଓପନିଂ କରିଥିବା ଆଲିଆ ଭଟ୍ଟଙ୍କ ଫିଲ୍ମ 'ଗଙ୍ଗୁବାଇ କାଠିଆୱାଡି' ବଲିଉଡର ଦ୍ବିତୀୟ ସର୍ବୋଚ୍ଚ ଓପନର୍ ଫିଲ୍ମ ହୋଇପାରେ। ବିଶେଷ କଥା ହେଉଛି ଭାରତ ବ୍ୟତୀତ ଆଲିଆ ଭଟ୍ଟଙ୍କ ଏହି ଫିଲ୍ମ ଆମେରିକା ଏବଂ ବ୍ରିଟେନରେ ମଧ୍ୟ ଭଲ ପ୍ରଦର୍ଶନ କରୁଛି।