ମୁମ୍ବାଇ: ଏବେ ଚର୍ଚ୍ଚାରେ ଅଭିନେତା ଅକ୍ଷୟ ଖାନ୍ନା ଓ ରିଚା ଚଡ୍ଡାଙ୍କ ଫିଲ୍ମ ‘ସେକ୍ସନ 375’ । ନିକଟରେ ରିଲିଜ ହୋଇଥିବା ଏହାର ଟ୍ରେଲରକୁ ଖୁବ୍ ପସନ୍ଦ କରିଛନ୍ତି ଦର୍ଶକ । କୋର୍ଟରୁମର ଡ୍ରାମକୁ ନେଇ ଆଧାରିତ ଫିଲ୍ମ । ଯେଉଁଠାରେ ରିଚା ଦୁଷ୍କର୍ମ ପୀଡିତାଙ୍କୁ ନ୍ୟାୟ ଦେବାକୁ ଲଢୁଥିବେ, ସେହିଠାରେ ଅକ୍ଷୟ ପ୍ରତିପକ୍ଷ ଓକିଲ ହୋଇ ନିଜ କ୍ଲାଇଣ୍ଟକୁ ବଞ୍ଚାଇବାକୁ ଚେଷ୍ଟା କରୁଥିବାର ଟ୍ରେଲରରେ ନଜର ଆସୁଛନ୍ତି ।
‘ସେକ୍ସନ 375’ ରିଲିଜ ହେବାକୁ ପ୍ରସ୍ତୁତ ହୋଇସାରିଲାଣି । ଆଉ ଏହାର ପ୍ରମୋଶନରେ ଖୁବ୍ ବ୍ୟସ୍ତ ଥିବା ଅକ୍ଷୟ ଫିଲ୍ମକୁ ନେଇ ଅନେକ ବିଷୟରେ ଖୁଲାସା କରିଛନ୍ତି । ସେ କହିଛନ୍ତି କି ଫିଲ୍ମଟି ଦର୍ଶକଙ୍କୁ ଶିକ୍ଷିତ କରିବା ଠାରୁ ଅଧିକା ସାମାଜିକ ପ୍ରସଙ୍ଗ ଉପରେ ଯୁକ୍ତିତର୍କ ଏବଂ କଥାବାର୍ତ୍ତା ଭାବନା ସୃଷ୍ଟି କରିବ । ମଙ୍ଗଳବାର ‘ସେକ୍ସନ 375’ର ଟ୍ରେଲର ଲଞ୍ଚ ସମୟରେ ନିଜ କୋ-ଷ୍ଟାର ରିଚା, ରାହୁଲ ଭଟ୍ଟ, ମୀରା ଚୋପ୍ରା ନିର୍ଦ୍ଦେଶକ ଅଜୟ ବହଲ ଓ ନିର୍ମାତା କୁମାର ମଙ୍ଗତ ପାଠକଙ୍କ ସହ ମିଡିଆକୁ ସାକ୍ଷାତକାର ଦେଇଥିଲେ ଅକ୍ଷୟ ।