ମୁମ୍ବାଇ: ବଲିଉଡକୁ କମବ୍ୟାକ୍ କରିବେ ସୁପରଷ୍ଟାର ଆମୀର ଖାନଙ୍କ ସାନଭାଇ ଫୈଜଲ ଖାନ୍ । ଫ୍ୟାକ୍ଟ୍ରି ଫିଲ୍ମ ମାଧ୍ୟମରେ ପୁଣି ଥରେ ନଜର ଆଶିବେ ଫୈଜଲ । ଏହି ଚଳଚ୍ଚିତ୍ରରେ ସେ ନିର୍ଦ୍ଦେଶନା ଭାର ତୁଲାଇବା ସହ ପ୍ରଥମ କରି କଣ୍ଠଦାନ କରିବେ ବୋଲି ଜଣାପଡିଛି । ଫିଲ୍ମ ରିଲିଜ୍ ପୂର୍ବରୁ ଫୈଜଲ ତାଙ୍କ ବିବାହ ବିଚ୍ଛେଦ ବାବଦରେ ପ୍ରତିକ୍ରିୟା ରଖିଛନ୍ତି । ଏଥିସହ ଭାଇ-ଭାଉଜଙ୍କ ବିଚ୍ଛେଦ ବାବଦରେ ମଧ୍ୟ ପ୍ରତିକ୍ରିୟା ରଖିଛନ୍ତି ଫୈଜଲ ।
ଏକ ଲୋକପ୍ରିୟ ଟିଭି ଚ୍ୟାନାଲର ସାକ୍ଷାତକାରେ ଫୈଜଲଙ୍କୁ ଦ୍ବିତୀୟ ବିବାହ ନେଇ ପ୍ରଶ୍ନ କରାଯାଇଥିଲା । ଏହାର ଉତ୍ତରରେ ସେ କହିଛନ୍ତି ଯେ, 'ଦୁର୍ଭାଗ୍ୟବଶତଃ, ମୋ ପାଖରେ ବିବାହ କରିବା ପାଇଁ ପର୍ଯ୍ୟାପ୍ତ ପରିମାଣର ଟଙ୍କା ନାହିଁ । ଏପରିକି ମୋର କୌଣସି ଗର୍ଲଫ୍ରେଣ୍ଡ ମଧ୍ୟ ନାହାନ୍ତି । ମୋ ମତରେ ଜୀବନରେ ପ୍ରେମିକା ରଖିବା ଏକ ମୂଲ୍ୟବାନ ଜିନିଷ । ତା ଠୁ ଆହୁରି ଅଧିକ ମୂଲ୍ୟବାନ ହେଉଛି ସ୍ତ୍ରୀ ରଖିବା । ଫିଲ୍ମ ହିଟ୍ ହେବା ପରେ ଝିଅ ଖୋଜିବି ।'