ମୁମ୍ବାଇ: ବଲିଉଡ ଅଭିନେତ୍ରୀ କଙ୍ଗନା ରଣାବତଙ୍କ ଅପକମିଂ ଫିଲ୍ମ 'ଜଜମେଣ୍ଟାଲ ହେ କ୍ୟା'ର ପ୍ରେସ କନଫ୍ରେନ୍ସ ସମୟରେ ସମ୍ବାଦିକ ଜଷ୍ଟିନ ରାଓଙ୍କ ସହ ହୋଇଥିବା ଯୁକ୍ତିତର୍କ ଏବେ ବଡ ବିବାଦର ମୋଡ ନେଇଛି । ଏଣ୍ଟରଟେନମେଣ୍ଟ ଜର୍ନଲିଷ୍ଟସ ଗିଲ୍ଡ ଅଫ ଇଣ୍ଡିଆ (ଈଜେଜିଆଈ)ର ସଦସ୍ୟମାନେ କଙ୍ଗନାଙ୍କୁ ବଲିଉଡରୁ ବହିଷ୍କାର କରିବା ପାଇଁ ଦାବି କରିଛନ୍ତି । ଏହାସହ ଫିଲ୍ମ ନିର୍ମାତା ଏକତା କପୁର ଓ କଙ୍ଗନା ସାର୍ବଜନିନ ରୂପେ କ୍ଷମା ମାଙ୍ଗିବାକୁ ଦାବି କରିଛନ୍ତି ।
ସେପଟେ ଏକତା 'ଜଜମେଣ୍ଟାଲ ହେ କ୍ୟା ରିଲିଜ'କୁ ଦୃଷ୍ଟିରେ ରଖି ଏହି ଘଟଣା ପାଇଁ କ୍ଷମା ମାଗି ନେଇଛନ୍ତି । ସେ ସୋସିଆଲ ମିଡିଆରେ କ୍ଷମା ମାଗିଛନ୍ତି । ସେ ସେୟାର କରି ଲେଖିଛନ୍ତି, "ଜଜମେଣ୍ଟାଲ ହେ କ୍ୟା ଅଭିନେତ୍ରୀ ଓ ସମ୍ବାଦିକ ଜଷ୍ଟିନ ରାଓଙ୍କ ମଧ୍ୟରେ ହୋଇଥିବା ଯୁକ୍ତିତର୍କକୁ ନେଇ ଅନେକ ଆଲୋଚନା ଚାଲିଛି । ଏହି ଯୁକ୍ତିତର୍କ ଜୁଲାଇ 7ରେ ଫିଲ୍ମ ଗୀତ ଲଞ୍ଚିଂ ସମୟରେ ହୋଇଥିଲା । ଏହି ଯୁକ୍ତିତର୍କରେ ସମ୍ପୃକ୍ତ ଥିବା ଲୋକ ନିଜ ନିଜର ପକ୍ଷ ରଖିଛନ୍ତି, କିନ୍ତୁ ଏହି ଘଟଣାଟି ଆମ ଫିଲ୍ମ ଇଭେଣ୍ଟରେ ହୋଇଥିଲା । ଏନେଇ ମୁଁ ଫିଲ୍ମର ପ୍ରଯୋଜକ ହେବା ହିସାବରେ କ୍ଷମା ମାଗୁଛି ଏବଂ ଏହି ଘଟଣାକୁ ନେଇ ଆମେ ଦୁଃଖି । ଆମେ ସ୍ପଷ୍ଟ କରିବାକୁ ଚାହୁଁଛି କି ଆମର ଉଦ୍ଦେଶ୍ୟ କାହାରିକୁ ଅପମାନ କିମ୍ବା କୌଣସି ଭାବନାଙ୍କୁ ଆଘାତ ଦେବାର ନଥିଲା ।"