ହାଇଦ୍ରାବାଦ: ଫ୍ୟାନ୍ସମାନେ ନିଜ ମନ ପସନ୍ଦ କଳାକାରଙ୍କ ଅଭିନୟ କରୁଥିବାର କିମ୍ବା ତାଙ୍କ ଭଳି ବେଶଭୂଷା ହେବାର ଆପଣମାନେ ଦେଖିଥିବେ ମାତ୍ର ଏପରି ଜଣେ ଫ୍ୟାନ ଯିଏ ଅମିତାଭଙ୍କ ଡୁପଲିକେଟ । ଦୁହିଁଙ୍କୁ ଏକାଠି ଠିଆ କଲେ ଆପଣ ସନ୍ଦେହରେ ପଡିଯିବେ କି ଅସଲି ଅମିତାଭ ବଚ୍ଚନ କିଏ ।
ଏହି ଡୁପଲିକେଟ ଅମିତାଭଙ୍କ ନାମ ଶଶିକାନ୍ତି ପେଡୱାଲା । ନିକଟରେ ଶଶିକାନ୍ତଙ୍କ ଏକ ଭିଡିଓ ଭାଇରାଲ ହୋଇଥିଲା । ଭିଡିଓରେ ଶଶିକାନ୍ତ ଅମିତାଭଙ୍କ ମିମିକ୍ରି କରୁଥିବାର ଦେଖିବାକୁ ମିଳିଛି । ଶଶିକାନ୍ତ ଅସଲରେ ଜଣେ ଅଧ୍ୟାପକ । କଲେଜରେ ପଢିବା ସମୟରେ ସମସ୍ତେ ତାଙ୍କୁ ଅମିତାଭ ବଚ୍ଚନ ବୋଲି ଡାକୁଥିଲେ । ଏହାପରେ ସେ ଅମିତାଭଙ୍କ ମିମିକ୍ରି କରିବାକୁ ଲାଗିଲେ । ଅମିତାଭଙ୍କ ଭଳି ସେ ମଧ୍ୟ ବିଭିନ୍ନ କଳାକାରଙ୍କ ମିମିକ୍ରି କରିପାରନ୍ତି ।
ସେ 2011ରେ ଅମିତାଭ ବଚ୍ଚନଙ୍କୁ ମଧ୍ୟ ଦେଖା କରିଥିଲେ । ସେ ନିଜ ଫଟୋ ଆଲବମ ଦେଖାଇଥିଲେ । ଏହାପରେ ନିଜେ ଅମିତାଭ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ ଓ ତାଙ୍କର ଏହି କାମକୁ ପ୍ରୋତ୍ସାହିତ କରିଥିଲେ । ଯେଉଁ ସବୁ ଇଭେଣ୍ଟ ଅମିତାଭ ବଚ୍ଚନଙ୍କୁ ଗେଷ୍ଟ କରିପାରନ୍ତି ନାହିଁ, ସେଠାକୁ ଶଶିକାନ୍ତଙ୍କୁ ଡକାଯାଏ । ସେ 30 ବର୍ଷ ହେବ ଅମିତାଭଙ୍କ ଭଳି ବେଶଭୂଷା ହୋଇଆସୁଛନ୍ତି । ସେ ଅନେକ ଟେଲିଭିଜନ ଶୋ'ରେ ମଧ୍ୟ ନଜର ଆସିଛନ୍ତି ।