ମୁମ୍ବାଇ: ଫେମସ ଅଭିନେତା ଆୟୁଷ୍ମାନ ଖୁରାନା ଏଥର ‘ଡ୍ରିମ ଗାର୍ଲ’ ହୋଇ ଦର୍ଶକଙ୍କ ହୋସ ଉଡାଇବେ । ସେ ନିଜର ଆଗାମୀ ଫିଲ୍ମ ‘ଡ୍ରିମ ଗାର୍ଲ’କୁ ନେଇ ଖୁବ୍ ଚର୍ଚ୍ଚାରେ । କିଛି ଦିନ ପୂର୍ବରୁ ଫିଲ୍ମର ଟ୍ରେଲର ରିଲିଜ ହୋଇଥିଲା । ଯାହାକୁ ଦେଖି ଦର୍ଶକ ହସି ହସି ବେହାଲ । କାରଣ ଟ୍ରେଲରରେ ଆୟୁଷ୍ମାନଙ୍କ ଝିଅ ଅବତାର ଦେଖିବାକୁ ମିଳିଥିଲା । କେତେବେଳେ ସେ ରାଧା ତ କେତେବେଳେ ପୂଜା ହୋଇ ଲୋକଙ୍କୁ ନିଜ ଦିୱାନା କରୁଥିବାର ଦେଖାଯାଇଥିଲେ । ଫିଲ୍ମ ରିଲିଜ ପୂର୍ବରୁ ଟ୍ରେଲରଟି ଦର୍ଶକଙ୍କ ମଧ୍ୟରେ ହିଟ୍ ସାବ୍ୟସ୍ତ ହୋଇସାରିଲାଣି ।
ଇତିମଧ୍ୟରେ ସୋସିଆଲ ମିଡିଆରେ ‘ଡ୍ରିମ ଗାର୍ଲ’ର ଅନେକ ମିମି ଘୁରିବୁଲୁଥିବାର ଦେଖିବାକୁ ମିଳୁଛି । ଏହି ମିମି ଟିକଟକ, ମମି-ପାପା ଏବଂ ନିତିଦିନ ବ୍ୟବହାର ହେଉଥିବା କଥାରେ ସମ୍ପୃକ୍ତ କରାଯାଇ ସେୟାର କରାଯାଇଛି ।