ମୁମ୍ବାଇ: ବିବାଦ ସହ ରାକ୍ଷୀଙ୍କ ପୁରୁଣା ସମ୍ପର୍କ । ବଲିଉଡର ଏହି ଆଇଟମ ଗାର୍ଲ ସର୍ବଦା କଣ୍ଟ୍ରୋଭର୍ସିରେ ଛନ୍ଦି ହୋଇ ରହିଥା'ନ୍ତି । ତେବେ ସବୁବେଳେ ଚର୍ଚ୍ଚାରେ ରହୁଥିବା ରାକ୍ଷୀଙ୍କ ସମ୍ପର୍କରେ ଆଜି ଆମେ ଆପଣଙ୍କୁ କହିବୁ କିଛି ଅଜଣା କଥା । ଜାଣିବା ପାଇଁ ପଢନ୍ତୁ....
ଅଗ୍ନିଚକ୍ର ଫିଲ୍ମ ମାଧ୍ୟମରେ ନିଜ କ୍ୟାରିୟର ଆରମ୍ଭ କରିଥିବା ରାକ୍ଷୀ ବଲିଉଡରେ ଅନେକ ହିଟ୍ ଆଇଟମ୍ ନମ୍ବର ଦେଇଛନ୍ତି । କେବଳ ସେତିକି ନୁହେଁ ନିଜର ବିବାଦୀୟ ବୟାନ ପାଇଁ ସେ ସର୍ବଦା ଲାଇମଲାଇଟରେ ରହିଥାଆନ୍ତି । ମାତ୍ର ସବୁଠାରୁ ଅଧିକ ଚର୍ଚ୍ଚା ରାକ୍ଷୀଙ୍କ ପୋଷାକକୁ ନେଇ ହୋଇଥାଏ ।
ରାକ୍ଷୀଙ୍କ ପିତା ଆନନ୍ଦ ସାୱନ୍ତ ମୁମ୍ବାଇ ପୋଲିସରେ କନେଷ୍ଟବଳ ଥିଲେ । ରାକ୍ଷୀ ନିଜ ମା' ଜୟାଙ୍କ ସହ ରୁହନ୍ତି । ଯଦି ରାକ୍ଷୀଙ୍କ ସମ୍ପତ୍ତି ବିଷୟରେ କୁହାଯାଏ ତେବେ ତାଙ୍କର ମୁମ୍ବାଇରେ ଦୁଇଟି ଫ୍ଲାଟ ଏବଂ ଗୋଟିଏ ବଙ୍ଗଳା ରହିଛି । ଯାହାର ଦାମ୍ 11 କୋଟି ।
ଇଣ୍ଟରନେଟ ତଥ୍ୟ ଅନୁସାରେ ରାକ୍ଷୀ ମୋଟ 15 କୋଟି ଟଙ୍କାର ମାଲିକାଣୀ । ଆଉ ଏହି ସମ୍ପତ୍ତି ସେ ନିଜେ କମାଇଛନ୍ତି । ରାକ୍ଷୀଙ୍କ ପାଖରେ 21.6 ଲକ୍ଷ ଟଙ୍କାର ଏକ କାର୍ ରହିଛି । ସେ ଷ୍ଟେଡ ପ୍ରୋଗ୍ରାମ ଜରିଆରେ ସବୁଠାରୁ ଅଧିକ ଟଙ୍କା କମାଇଥାଆନ୍ତି । ଏଠାରେ ସୂଚନାଯୋଗ୍ୟ, ରାକ୍ଷୀ 2014 ମସିହାରେ ରାଷ୍ଟ୍ରୀୟ ଆମ ପାର୍ଟି ନିର୍ମାଣ କରିବା ସହ ନିର୍ବାଚନ ମଧ୍ୟ ଲଢିଥିଲେ ।