ମୁମ୍ବାଇ: ବି-ଟାଉନର ହଟ୍ ଲଭବାର୍ଡ ଟାଇଗର ଶ୍ରଫ ଓ ଦିଶା ପଟାନୀଙ୍କୁ ନେଇ ପ୍ରାୟତଃ ଅନେକ ଖବର ଶୁଣିବାକୁ ମିଳିଥାଏ । ଫ୍ୟାନ୍ସ ମଧ୍ୟ ଏହି କପଲକୁ ଖୁବ୍ ପସନ୍ଦ କରନ୍ତି । କିନ୍ତୁ ଏବେ ଯେଉଁ ଖବର ସାମ୍ନାକୁ ଆସିଛି, ହୁଏତଃ ତାହା ଶୁଣି ଫ୍ୟାନ୍ସଙ୍କ ହୃଦୟ ନିହାତି ଭାଙ୍ଗିଯିବ । ଖବରଟି ହେଲା କି ଏବେ ଦିଶା ଓ ଟାଇଗରଙ୍କ ବ୍ରେକଅପ ହୋଇଯାଇଛି ।
ଶୁଣିବାକୁ ମିଳୁଛି ଯେ ଏବେ ଦିଶା ଓ ଟାଇଗର ଆଉ ଏକାଠି ନାହାଁନ୍ତି । ଦୁଇଜଣ ମ୍ୟୁଚଲ ନିଷ୍ପତ୍ତି ନେଇଛନ୍ତି କି ଆଉ ଲଭ ରିଲେସନକୁ ଆଗକୁ ବଢାଇବେ ନାହିଁ । ବନ୍ଧୁ ପରି ପରସ୍ପର ସହ ମିଶି ରହିବେ ।
ଗତ 3 ବର୍ଷରୁ ପରସ୍ପରକୁ ଡେଟ କରୁଥିବା ଏହି କପଲକୁ ଅନେକ ବଡ ଇଭେଣ୍ଟରେ ଏକାଠି ଦେଖିବାକୁ ମିଳିସାରିଛି । ଖାଲି ଏତିକି ନୁହେଁ ଟାଇଗରଙ୍କ ପିତା, ଅଭିନେତା ଜ୍ୟାକି ଶ୍ରଫ ମଧ୍ୟ ଦୁଇଜଣଙ୍କ ସମ୍ପର୍କ ଉପରେ ସହମତି ପ୍ରକାଶ କରିଥିଲେ । କିଛି ଦିନ ପୂର୍ବରୁ ଦୁଇଜଣଙ୍କ ବିବାହ ଖବର ମଧ୍ୟ ଜୋର ଧରିଥିଲା । ଏବେ ତାଙ୍କ ବ୍ରେକଅପ ଖବର ଆସି ବିବାହ ଖବର ଉପରେ ଫୁଲଷ୍ଟପ ଲଗାଇଦେଇଛି ।
ପ୍ରକାଶ ଥାଉକି ବର୍ତ୍ତମାନ ଦିଶାଙ୍କ ସମ୍ପର୍କ ଧିରେ ଧିରେ ଆଦିତ୍ୟ ଠାକରେଙ୍କ ସହ ବଢିବାରୁ ଟାଇଗରଙ୍କ ସହ ତାଙ୍କ ବ୍ରେକଅପର କାରଣ କୁହାଯାଉଛି । ଅନ୍ୟପଟେ ଟାଇଗର ମଧ୍ୟ ନବାଗତ ଅଭିନେତ୍ରୀ ତାରା ସୁତାରିୟାଙ୍କୁ ଡେଟ କରିବା ଆରମ୍ଭ କରିଦେଇଛନ୍ତି ବୋଲି ଶୁଣିବାକୁ ମିଳୁଛି ।