ହାଇଦ୍ରାବାଦ: ଆଲିଆ ଭଟ୍ଟଙ୍କ ଆଗାମୀ ଚଳଚ୍ଚିତ୍ର ଗଙ୍ଗୁବାଇ କାଠିଆୱାଡିର ଟ୍ରେଲର ଆସିବା ମାତ୍ରେ ହିଁ ଧମାଲ ମଚାଇଥିଲା । ଟ୍ରେଲରରେ ଆଲିଆଙ୍କ ଲୁକ୍ ଏବଂ ଅଭିନୟ ଲୋକମାନଙ୍କ ପାଇଁ ଫିଲ୍ମ ଦେଖିବା ପାଇଁ ଉତ୍ସାହ ଭରିଦେଇଥିଲା । ଫେବୃଆରୀ 10ରେ ଫିଲ୍ମ ଗଙ୍ଗୁବାଇ କାଠିଆୱାଡିର ପ୍ରଥମ ଗୀତ 'Dholida' ରିଲିଜ ହୋଇଛି । ଏହି ଗୀତରେ ଆଲିଆ ଭଟ୍ଟଙ୍କ ଗରବା କରୁଥିବା ଦେଖିବାକୁ ମିଳୁଛି । ଏହାପୂର୍ବରୁ ଫେବୃଆରୀ 9ରେ ଗୀତର ଟିଜର ଆଉଟ ହୋଇଥିଲା।
ଆଲିଆ ଭଟ୍ଟ ବୁଧବାର ନିଜ ଇନଷ୍ଟାଗ୍ରାମ ଆକାଉଣ୍ଟରେ ଗଙ୍ଗୁବାଇ କାଠିଆୱାଡି ଚଳଚ୍ଚିତ୍ରର ପ୍ରଥମ ଗୀତର 'Dholida'ର ଟିଜର ସେୟାର କରିଛନ୍ତି। ଏହି ଗୀତଟି ଗୁରୁବାର (ଫେବୃଆରୀ 10) ରିଲିଜ୍ ହେବ ବୋଲି ପୋଷ୍ଟର କ୍ୟାପସନରେ ଆଲିଆ କହିଥିଲେ। ଏହା ସହିତ ଫିଲ୍ମର ରିଲିଜ୍ ତାରିଖ ମଧ୍ୟ କୁହାଯାଇଛି । ଏହି ଗୀତର ଲିରିକ୍ସ କୁମାର ଲେଖିଛନ୍ତି ଏବଂ ଏହି ଗୀତଟି ଜାନଭୀ ଶ୍ରୀମଙ୍କର ଏବଂ ଶେଲ ହାଡା ଗାଇଛନ୍ତି । କ୍ରିତି ମହେଶ ଏହି ଗୀତର କୋରିଓଗ୍ରାଫି କରିଛନ୍ତି । ଏହି ଚଳଚ୍ଚିତ୍ରର ସଙ୍ଗୀତ ସଞ୍ଜୟ ଲୀଲା ଭଂସାଲୀଙ୍କର ।