ହାଇଦ୍ରାବାଦ: ପୁରୁଣା ଦିନକୁ ମନେ ପକାଇଛନ୍ତି ବଲିଉଡର ପୁରୁଣା ଯୋଡି ରଣବୀର କପୁର ଓ ଦୀପିକା ପାଦୁକୋନ । ‘ୟେ ଜୱାନି ହେ ଦିୱାନି’ରେ ଦେଖିବାକୁ ମିଳିଥିଲା ଦୀପିକା ଓ ରଣବୀରଙ୍କ ସିଜିଲିଂ କେମେଷ୍ଟ୍ରି । ତେବେ ଫିଲ୍ମର ରିଲିଜକୁ ପୁରିଛି 6 ବର୍ଷ । ଫିଲ୍ମର ସେ ଦିନକୁ ମନେ ପକାଇ ଦୁହେଁ ବଲମ ପିଚିକାରୀ ଗୀତରେ ନାଚିଛନ୍ତି । ଭିଡିଓର ବ୍ୟାକଗ୍ରାଉଣ୍ଡ ସାଉଣ୍ଡରେ ଦୀପିକାଙ୍କୁ ପତି ରଣବୀର ସିଂହ ‘ଓ ବେବି’ କହୁଥିବାର ମଧ୍ୟ ଶୁଣାଯାଇଛି । ତେବେ ଏହି ଭିଡିଓକୁ ସୋସିଆଲମିଡିଆରେ ସେୟାର କରାଯାଇଛି ।
ଭିଡିଓ ସୌଜନ୍ୟ: ଇନଷ୍ଟାଗ୍ରାମ/deepikapadukon ଭିଡିଓରେ ଦୀପିକାଙ୍କୁ ବ୍ଲାକ ଡ୍ରେସ ସହ ନିଟ ବନରେ ଦେଖିବାକୁ ମିଳିଥିଲାବେଳେ ରଣବୀରଙ୍କୁ ଫର୍ମାଲରେ ଦେଖିବାକୁ ମିଳିଛି । ଏହାସହ ଦୁହିଁଙ୍କୁ ଭାନିଟି ଭ୍ୟାନରେ ନାଚୁଥିବାର ଦେଖିବାକୁ ମିଳିଛି । କିଛି ଦିନ ତଳେ ଦୀପିକା ରଣବୀରଙ୍କ ପିତା ରିଷି କପୁରଙ୍କୁ ଦେଖା କରିବାକୁ ନ୍ୟୁୟର୍କ ଯାଇଥିଲେ । ତେବେ ଏହାର ଏକ ଫଟୋ ସେୟାର କରିଥିଲେ ନିତୁ କପୁର ।
ତେବେ ରଣବୀର ଓ ଦୀପିକାଙ୍କ ପ୍ରେମ କାହାଣୀ 2008ରେ ‘ବଚନା ଏ ହସିନୋ’ରୁ ଆରମ୍ଭ ହୋଇଥିଲା । ପରେ ସେମାନଙ୍କ ଭିତରେ ମତାନ୍ତର ଦେଖାଦେଇଥିଲେ ଓ ଶେଷରେ ଦୁହେଁ ଅଲଗା ହୋଇଯାଇଥିଲେ । ଏବେ ଦୀପିକା ବଲିଉଡ ବାଜିରାଓ ରଣବୀର ସିଂହଙ୍କ ପତ୍ନୀ ।
