ନୂଆଦିଲ୍ଲୀ: ଅଜୟ ଦେବଗନ, ତବ୍ବୁ ଓ ରକୁଲ ପ୍ରୀତ ସିଂହଙ୍କ କମେଡି ଫିଲ୍ମ 'ଦେ ଦେ ପ୍ୟାର ଦେ'ର ଟ୍ରେଲର କିଛି ଦିନ ପୂର୍ବରୁ ରିଲିଜ ହୋଇଥିଲା । ଯାହାକୁ ଦର୍ଶକ ଖୁବ୍ ପସନ୍ଦ ମଧ୍ୟ କରିଥିଲେ । ଇତିମଧ୍ୟରେ ରିଲିଜ ହୋଇଯାଇଛି ଫିଲ୍ମର ପ୍ରଥମ ଟ୍ରାକ । ଏହି ମସ୍ତିଭରା ୱେଡିଂ ସଙ୍ଗ 'ୱଡ୍ଡୀ ଶରାବନ'ରେ ରକୁଲ ପ୍ରୀତଙ୍କ ଜବରଦସ୍ତ ଡାନ୍ସ ଦେଖିବାକୁ ମିଳିଛି । ଅନ୍ୟପଟେ ରକୁଲଙ୍କ ସବୁ ଅଦାରେ ଫିଦା ନଜର ଆସୁଛନ୍ତି ଅଜୟ । ଗୀତର ଶବ୍ଦ ଯେତେ ଶାନଦାର ହୋଇଛି ଭିଡିଓ ମଧ୍ୟ ସେହିପରି ଶାନଦାର ହୋଇଛି ।
ଏହି ଗୀତଟି ଲଭ ରଞ୍ଜନଙ୍କ ପୂର୍ବରୁ ଫିଲ୍ମ 'ସୋନି କୀ ଟୀଟୁ କୀ ସ୍ବୀଟି'ର ପାର୍ଟି ସଙ୍ଗର ସ୍ମରଣ କରାଇଛି । କାରଣ ପୂର୍ବ ଗୀତରେ ଅଭିନେତ୍ରୀ ନୁସରତ ନିଜ ଶରାବୀ ଅନ୍ଦାଜର ଯାଦୁ ଚଲାଇଥିଲେ । ସେହି ପରି ଏଥର ମଧ୍ୟ ରକୁଲ ପ୍ରୀତ ପେଗ ଉପରେ ପେଗ ଲଗାଇଥିବା ଦେଖାଯାଇଛନ୍ତି । ତେଣୁ ଏଥିପାଇଁ ସମସ୍ତେ ରକୁଲଙ୍କୁ 'ୱଡ୍ଡୀ ଶରବାନ' କହୁଛନ୍ତି ।
ଗୀତଟିକୁ ପପୁଲାର ଗାୟିକା ସୁନିଧି ଚୌହାନ ଓ ନବରାଜ ହଂସ ଗାଇଥିବା ବେଳେ ସଙ୍ଗୀତ ଏଥିରେ ବିପିନ ପଟୱା ଦେଇଛନ୍ତି । ଏହାର ମ୍ୟୁଜିକ ପ୍ରଡ୍ୟୁସର ଆଦିତ୍ୟ ଦେବ ଏବଂ ଗୌରବ ୱାସୱାନୀ କରିଛନ୍ତି । ଅନ୍ୟପଟେ ଗୀତଟିକୁ କୁମାର ଲେଖଛନ୍ତି ଏବଂ ଟି-ସିରିଜ କମ୍ପାନୀ ଲେଭଲ ଲଞ୍ଚ କରିଛି ।
ଫିଲ୍ମଟି ଆସନ୍ତା ମାସ 17ରେ ରିଲିଜ ହେବାକୁ ଯାଉଛି । ଏଥିରେ ଅଜୟ ନିଜ ଠାରୁ ଦଇଗୁଣ ସାନ ଝିଅ ପ୍ରେମରେ ଦିୱାନା ଥିବାର ଦେଖିବାକୁ ମିଳିବ ।