ମୁମ୍ବାଇ: କୋରୋନା ଭାଇରସ ଆତଙ୍କ ବର୍ତ୍ତମାନ ପୁରା ବିଶ୍ବରେ ଦେଖିବାକୁ ମିଳୁଛି। ଧିରେ ଧିରେ କରି ଅନେକ ଲୋକ ଏହି ଭାଇରସରେ ସଂକ୍ରମିତ ହୋଇସାରିଲେଣି। ଜନସାଧାରଣଙ୍କୁ ଏହି ସଂକ୍ରମିତରୁ ସୁରକ୍ଷିତ ରହିବା ପାଇଁ ଅନେକ ବଲିଉଡ ଷ୍ଟାର୍ସ ଅପିଲ କରିସାରିଲେଣି । ଏହି ଅଭିଯାନରେ ଏବେ ସାମିଲ ହୋଇଛନ୍ତି ସୁପରଷ୍ଟାର ଶାହରୁଖ ଖାନ। ସେ ସଚେତନା ବାର୍ତ୍ତା ବାଣ୍ଟିବା ପାଇଁ ସୋସିଆଲ ମିଡିଆରେ ଏକ ଭିଡିଓ ସେୟାର କରିଛନ୍ତି।
ସେ ଭିଡିଓରେ ପ୍ରଶଂସକଙ୍କୁ ଘରେ ରହି ସୁରକ୍ଷିତ ରହିବାକୁ କହୁଥିବାର ନଜର ଆସୁଛନ୍ତି । ପୁରା ବିଶ୍ବରେ କୋରୋନା ଭାଇରସ ଚହଳ ସୃଷ୍ଟି କରିଛି। ଏହି କଠିନ ପରିସ୍ଥିତିରେ, ଯଦି ଆମେ ପରସ୍ପରକୁ ସାହାଯ୍ୟ କରିବା ତାହାଲେ ଏହି ବିପଦରୁ ଆମେ ବଞ୍ଚିପାରିବା । ଆଉ ଆମକୁ ଛାଡି କୋରୋନା ଭାଇରସ ଫେରିଯିବ ବୋଲି ଭିଡିଓରେ କହୁଛନ୍ତି ଶାହରୁଖ।
ପ୍ରକାଶ ଥାଉକି ଶାହରୁଖଙ୍କ ପୂର୍ବରୁ ଅମିତାଭ ବଚ୍ଚନ, ଆୟୁଷ୍ମାନ ଖୁରାନା, ଅକ୍ଷୟ କୁମାର, ଆଲିୟା ଭଟ୍ଟ, ରଣବୀର ସିଂ, ଅଜୟ ଦେବଗନ, ବରୁଣ ଧୱନ, ଅନିଲ କପୁର, ମାଧୁରୀ ଦୀକ୍ଷିତ ଶିଳ୍ପା ସେଟ୍ଟୀ କୁନ୍ଦ୍ରା ଓ ଅର୍ଜୁନ କପୁର ଭଳି କଳାକାର ସୋସିଆଲ ମିଡିଆରେ ଜନସାଧାରଣଙ୍କୁ ସୁରକ୍ଷିତ ରହିବାକୁ ଅପିଲ କରିସାରିଛନ୍ତି ।