ମୁମ୍ବାଇ: ବିହାର ବେଗୁସରାୟର ଏକ ଅଦାଲତରେ ଫେମସ ସଙ୍ଗୀତକାର ଜାଭେଦ ଅଖତରଙ୍କ ବିରୋଧରେ ଦିଲ୍ଲୀ ହିଂସା ଉପରେ ଟିପ୍ପଣୀ କରିବା ଅଭିଯୋଗ ଲାଗିଛି। ବେଗୁସରାୟର ମୁଖ୍ୟ ଜଷ୍ଟିସ ଠାକୁର ଅମନ କୁମାରଙ୍କ ଅଦାଲତରେ ବୁଧବାର ସ୍ଥାନୀୟ ଓକିଲ ଅମିତ କୁମାର ଏହି ଅଭିଯୋଗ ଦାଖଲ କରିଥିଲେ। ଜାଭେଦଙ୍କ ବିରୋଧରେ ଆଇପିସି ଧାରା 124 ଏ, 153 ଏ ଓ 153 ବି ଅନୁଯାୟୀ ଅଭିଯୋଗ ଦାଖଲ କରାଯାଇଛି।
ଏହି ଅଭିଯୋଗରେ ଦିଲ୍ଲୀରେ ହୋଇଥିବା ହିଂସାକଣ୍ଡକୁ ନେଇ ମିଡିଆରେ ଜାଭେଦ ଏକ ଟିପ୍ପଣୀ କରିଥିଲେ। ଯାହା ଚର୍ଚ୍ଚାର ବିଷୟ ପାଲଟିଥିଲା। ଅମିତ କହିଛନ୍ତି ଯେ ଏହି ଅଭିଯୋଗ ଆଧାରରେ ମାମଲାର ଆଗାମୀ ଶୁଣାଣି ଏମାସ 25 ତାରିଖରେ ହେବ।