ହାଇଦ୍ରାବାଦ: କଥକ ସମ୍ରାଟ ପଣ୍ଡିତ ବିରଜୁ ମହାରାଜଙ୍କ ହୃଦଘାତରେ ଦେହାନ୍ତ ହୋଇଛି । ପଦ୍ମଭୂଷଣ ପୁରସ୍କାର ପ୍ରାପ୍ତ ବିରଜୁ ମହାରାଜ ରବିବାର ବିଳମ୍ବିତ ରାତିରେ ଦିଲ୍ଲୀରେ ଶେଷ ନିଶ୍ବାସ ତ୍ୟାଗ କରିଛନ୍ତି । ପଣ୍ଡିତ ବିରଜୁ ମହାରାଜଙ୍କ ଦେହାନ୍ତରେ ବଲିଉଡରେ ଶୋକର ଲହରି ଖେଳିଯାଇଛି। ସୋସିଆଲ ମିଡିଆ ଜରିଆରେ ପଣ୍ଡିତ ବିରଜୁ ମହାରାଜଙ୍କ ଦେହାନ୍ତରେ ସେଲିବ୍ରିଟିମାନେ ଶୋକ ବ୍ୟକ୍ତ କରୁଛନ୍ତି। କରୀନା କପୁର ଖାନ ଏବଂ ହେମା ମାଲିନୀଙ୍କ ପରି ବଲିଉଡର ଅନେକ ଲୋକପ୍ରିୟ ସେଲିବ୍ରିଟି ସୋସିଆଲ ମିଡିଆ ଆକାଉଣ୍ଟରୁ ପ୍ରସିଦ୍ଧ କଥକ ନୃତ୍ୟଶିଳ୍ପୀ ପଣ୍ଡିତ ବିରଜୁ ମହାରାଜଙ୍କ ଦେହାନ୍ତରେ ଶୋକ ପ୍ରକାଶ କରିଛନ୍ତି।
ବଲିଉଡ ଅଭିନେତ୍ରୀ କରୀନା କପୁର ତାଙ୍କ ଇନଷ୍ଟାଗ୍ରାମରେ କଥକ ମହାନାୟକଙ୍କ ଦେହାନ୍ତରେ ଶୋକ ବ୍ୟକ୍ତ କରିଛନ୍ତି। ପଣ୍ଡିତ ଜୀଙ୍କର ଏକ ଫଟୋ ସେୟାର କରି ସେ ଲେଖିଛନ୍ତି, 'Rest in Peace'।
ଭେଟେରାନ ଅଭିନେତ୍ରୀ ହେମା ମାଲିନୀ ମଧ୍ୟ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରୁ ବିରଜୁ ମହାରାଜଙ୍କ ଆକସ୍ମିକ ଦେହାନ୍ତରେ ଦୁଃଖ ପ୍ରକାଶ କରିଛନ୍ତି। 'ଡ୍ରିମ୍ ଗାର୍ଲ' ଲେଖିଛନ୍ତି, ପ୍ରକୃତ କିମ୍ବଦନ୍ତୀ ବିରଜୁ ମହାରାଜଙ୍କ ଦେହାନ୍ତରେ ଶୋକ ବ୍ୟକ୍ତ କରୁଛି। ମୁଁ ସର୍ବଦା ତାଙ୍କର ପ୍ରଶଂସା କରେ ଏବଂ ସମ୍ମାନ କରେ।