ନୂଆଦିଲ୍ଲୀ: ବୁଧବାର ରିଲିଜ ହୋଇଥିବା ମଲ୍ଲି ଷ୍ଟାରର ଫିଲ୍ମ 'କଲଙ୍କ'ରେ ମୁଖ୍ୟ ଭୂମିକାରେ ଅଭିନୟ କରିଥିବା ହ୍ୟାଣ୍ଡସମ ଅଭିନେତା ଆଦିତ୍ୟ ରାୟ କପୁର ବର୍ତ୍ତମାନ ଆଉ ଦୁଇଟି ଫିଲ୍ମରେ କାମ କରିବାକୁ ପ୍ରସ୍ତୁତି ଆରମ୍ଭ କରିଦେଇଛନ୍ତି । ତାଙ୍କ ଅନୁଯାୟୀ କ୍ୟାରିୟରରେ ଦୁଇ ବର୍ଷର ବ୍ରେକ ନେବା ତାଙ୍କ ପାଇଁ ଭଲ ସାବ୍ୟସ୍ତ ହୋଇଛି । ଏହି ସମୟରେ ତାଙ୍କୁ ନିଜ ଅଭିନୟକୁ ଶାନଦାର କରିବାକୁ ସମୟ ମିଳିପାରିଛି ।
'କଲଙ୍କ'ରେ ନିଜ ଭୂମିକାରେ ସେ କହିଛନ୍ତି କି 'କଲଙ୍କ'ରେ ସେ ଜଣେ ଏମିତି ବ୍ୟକ୍ତିର ଭୂମିକାରେ ଅଭିନୟ କରିଛନ୍ତି, ଯିଏ ସବଳ, ଶାନ୍ତ ଏବଂ ଟିକେ ଭିନ୍ନ ପ୍ରକାରର ବ୍ୟକ୍ତି କିନ୍ତୁ ଏହାସହ ସେ ଶାନଦାର ମଣିଷ ରୂପେ ମଧ୍ୟ ନଜର ଆସିଛନ୍ତି । ନିର୍ଦ୍ଦେଶକ ଅଭିଷେକ ବର୍ମନଙ୍କ ଠାରୁ ଏହି ରୋଲ ବିଷୟରେ ଶୁଣି ସେ ପ୍ରଭାବିତ ହୋଇଥିଲେ ।
ଆଦିତ୍ୟ ଏକ ସାକ୍ଷାତକାରରେ କହିଥିଲେ କି ଦୁଇ ବର୍ଷ ପରେ କାମ ଆରମ୍ଭ କରିବାକୁ ନେଇ ସେ ଖୁବ୍ ଉତ୍ସାହିତ ଥିଲେ । ତେଣୁ ସେ ସବୁ କିଛି ଶାନଦାର କରିବାକୁ ଚାହୁଁଥିଲେ । ଯେତେବେଳେ ସେ ଫିଲ୍ମ ସୁଟିଂ ସେଟରେ ରହୁଛନ୍ତି ତାଙ୍କୁ ବହୁତ ଖୁସି ମିଳୁଛି । ସେ ଯେଉଁ ଦୁଇ ବର୍ଷର ବ୍ରେକ ନେଇଥିଲେ ତାହା ତାଙ୍କ ପାଇଁ ଭଲ ହୋଇଥିଲା। କାରଣ ଏହି ସମୟରେ ସେ ନିଜର ପ୍ରଦର୍ଶନକୁ ଆହୁରି ଭଲ କରିବା ପାଇଁ ନୂଆ ଉପାୟ ଆପଣାଇଥିଲେ ।
କଳାକାର ରୂପେ ଆମେ ଯେବେ ସବୁବେଳେ କାମ କରୁଛି, ତେବେ ଏମିତି ଏକ ସମୟ ଆସିଥାଏ। ଯେତେବେଳେ ନିଜର ସବୁ ଭାବନାତ୍ମକକୁ ଜାଣି ପାରିଥାଉ । ଏହାସହ ସେହି ସବୁ ଜିନିଷକୁ କେଉଁଠାରେ ପ୍ରଯୋଗ କରିବା କଥା ତାହା ମଧ୍ୟ ବୁଝା ପଡିଯାଇଥାଏ । ଏହାଦ୍ବାରା ଅଭିନୟ ଟିକେ ଦେଖାଣିଆ ହୋଇଯାଇଥାଏ । କାରଣ କିଛି ନୂଆ କରିବା ପାଇଁ ଆମ ପାଖରେ କିଛି ନଥାଏ ବୋଲି କହିଥିଲେ ଆଦିତ୍ୟ ।
