ମୁମ୍ବାଇ: ବର୍ତ୍ତମାନ ଫିଲ୍ମଠୁ ଅଧିକ ସୋସିଆଲ ମିଡିଆରେ ଆକ୍ଟିଭ ନଜର ଆସୁଛନ୍ତି ବି-ଟାଉନର ଧକ୍ ଧକ୍ ଗାର୍ଲ ମାଧୁରୀ ଦୀକ୍ଷିତ । ସେ ପ୍ରାୟତଃ ନିଜର ଫଟୋ, ଡାନ୍ସ ଭିଡିଓ ସେୟାର କରି କଣନ୍ତି ଫ୍ୟାନ୍ସଙ୍କ ମନ । ନିକଟରେ ତାଙ୍କ ଇନଷ୍ଟାଗ୍ରାମ ଫଲୋଅର୍ସଙ୍କ ସଂଖ୍ୟା 22 ମିଲିୟନରେ ପହଞ୍ଚିଥିଲା । ଆଉ ଏବେ ସେ ପୁଣିଥରେ ନିଜ ଅନ୍ଦାଜରେ ସମସ୍ତଙ୍କୁ କରିଛନ୍ତି ଦିୱାନା ।
ଶୁକ୍ରବାର ସେ ଇନଷ୍ଟାଗ୍ରାମରେ ନିଜର ଏକ ସୁନ୍ଦର ଫଟୋ ପୋଷ୍ଟ କରିଥିଲେ । ଯେଉଁଥିରେ ସେ ବ୍ଲୁ ଶାଢୀ ପିନ୍ଧି ଖୁବ୍ ଆକର୍ଷଣୀୟ ନଜର ଆସୁଛନ୍ତି । ଆଉ ଏହାର କ୍ୟାପସନରେ ସେ ‘ବ୍ଲୁ ହୁଏ’ ଲେଖିବା ସହ ବ୍ଲୁ ହାର୍ଟ ଇମୋଜି ମଧ୍ୟ ଦେଇଛନ୍ତି । ଯାହାକୁ ଦେଖି ଫ୍ୟାନ୍ସଙ୍କ ପାଟିରୁ କେବଳ ବାଃ ବାଃ ବାହାରୁଛି ।