ମୁମ୍ବାଇ: ଦେଶର ବର୍ତ୍ତମାନ ବଡ ପ୍ରସଙ୍ଗ ସାଜିଛି ରିପବ୍ଲିକ ଟିଭିର ମୁଖ୍ୟ ସମ୍ପାଦକ ଅର୍ଣ୍ଣବ ଗୋସ୍ବାମୀଙ୍କ ଗିରଫ । ବୁଧବାର ଅପରାହ୍ନରେ ଆଲିବାଗ ମାଜିଷ୍ଟ୍ରେଟଙ୍କ କୋର୍ଟରେ ହାଜର ହୋଇଥିଲେ । ସେହିପରି ହାଜର ହେବା ପୂର୍ବରୁ ପୋଲିସ ତାଙ୍କୁ ଜବରଦସ୍ତ ଗିରଫ କରିଥିଲା । ଏବେ ଆଲିବାଗ ହାଇକୋର୍ଟ ଗୋସ୍ବାମୀଙ୍କୁ 14 ଦିନିଆ ବିଚାର ବିଭାଗୀୟ ହେପାଜତକୁ ପଠାଇଛନ୍ତି । ଏହି ମାମଲାରେ ପ୍ରତିକ୍ରିୟା ଦେଇ ଚର୍ଚ୍ଚାରେ ଲୋକପ୍ରିୟ ନିର୍ମାତା ରାମଗୋପାଲ ବର୍ମା । ତାଙ୍କ ପୂର୍ବରୁ ଅର୍ଣ୍ଣବଙ୍କ ସମର୍ଥନରେ ନଜର ଆସିସାରିଛନ୍ତି କଙ୍ଗନା ରଣାୱତ ।
ଏବେ ତାଙ୍କ ଗିରଫ ଉପରେ ମଜା ନେଇ ରାମ ଗୋପାଲ କହିଛନ୍ତି, ‘ମୋ ପାଇଁ ଏହା ବୁହତ ରୋମାଞ୍ଚକଭରା ସାବ୍ୟସ୍ତ ହୋଇଛି । ଟାଇଗର ଉଦ୍ଧବ ଠାକରେ ନିଜ ପିତାଙ୍କ ଭଳି ସାହସ ଦେଖାଇଛନ୍ତି । ଏକ ବିରାଡିକୁ ନ୍ୟାୟିକ ପଞ୍ଜୁରୀରେ କଏଦ କରିଛ।’