ଖାସ୍ ଅନ୍ଦାଜରେ ନବବର୍ଷର ଶୁଭେଚ୍ଛା ଜଣାଇଲା ବଲିଉଡ

ସୋସିଆଲ ମିଡିଆରେ ନୂଆ ବର୍ଷ ପାଳନ କଲେ ସେଲିବ୍ରିଟି । ନିଜ ନିଜର ଫଟୋ ସେୟାର କରି ଫ୍ୟାନ୍ସଙ୍କୁ ଜଣାଇଲେ ଶୁଭେଚ୍ଛା । 2021 ସମସ୍ତଙ୍କ ଜୀବନରେ ଆଣିବ ସଫଳତା ବୋଲି କଲେ ପ୍ରାର୍ଥନା ।

ମୁମ୍ବାଇ: ଧୁମଧାମରେ ନହେଲେ ବି ନୂଆ ବର୍ଷର ସ୍ବାଗତ ବିଶ୍ବବାସୀ ସୁରୁଖୁରୁରେ କରିଛନ୍ତି । ଏଥର କୋରୋନା କାଳ ପାଇଁ ଟିକେ ଫିକା ପଡିଯାଇଛି ସେଲିବ୍ରେଶନ । ତଥାପି ସମସ୍ତେ ନିଜ ନିଜ ଘରେ ରହି ସୁରକ୍ଷିତ ରୂପେ ନୂଆ ବର୍ଷ ପାଳନ କରୁଥିବାର ଆସୁଛନ୍ତି ନଜର । ଏଥିରୁ ବାଦ ପଡିନାହାଁନ୍ତ ସେଲିବ୍ରିଟି । ଫ୍ୟାନ୍ସଙ୍କ ନ୍ୟୁ ଇୟର ସ୍ପେଶାଲ କରିବା ପାଇଁ ସୋସିଆଲ ମିଡିଆରେ ଜଣାଇଛନ୍ତି ଶୁଭେଚ୍ଛା । ଏହି କ୍ରମରେ ସାମିଲ ଅଛନ୍ତି ଅମିତାଭ ବଚ୍ଚନଙ୍କ ଠୁ ନେଇ ପ୍ରିୟଙ୍କା ଚୋପ୍ରା ଭଳି ସେଲିବ୍ରିଟି ।

ସର୍ବପ୍ରଥମେ ଅମିତାଭ ଇନଷ୍ଟାଗ୍ରାମରେ ଏକ ପୋଷ୍ଟ କରି ଲେଖିଛନ୍ତି, ‘ବର୍ଷ ନବ, ହର୍ଷ ନବ, ଜୀବନ ଉତ୍କର୍ଷ ନବ ।’ ଆଉ ତାଙ୍କ ଫଟୋରେ ଦେଖିବାକୁ ମିଳୁଛି ସେ ଫେସ୍ ଆପ ବ୍ୟବହାର କରି ମୁଣ୍ଡରେ କ୍ୟାପ ଲଗାଇବା ସହ ଚଷମା ମଧ୍ୟ ପିନ୍ଧିଛନ୍ତି । ସେହିପରି ତାଙ୍କ ମୁଣ୍ଡ ଉପରେ ଲେଖା ହେଉଛି ‘ହାପି ନ୍ୟୁ ଇୟର ।’

ଅଭିନେତ୍ରୀ ଟ୍ବିଙ୍କଲ ଖନା ସ୍ବାମୀ, ‘ସୁପରଷ୍ଟାର ଅକ୍ଷୟ କୁମାରଙ୍କ ସହ ନିଜର ଏକ ଫଟୋ ଇନଷ୍ଟାଗ୍ରାମରେ ପୋଷ୍ଟ କରି ଲେଖିଛନ୍ତି, ‘ହାପି ନ୍ୟୁ ଇୟର । ଭୟଙ୍କର 2020 ଚାଲିଗଲା ।’

ସେପଟେ ନେହା ଧୂପିୟା ପୁରା ପରିବାର ସହ ନିଜର ଫଟୋ ପୋଷ୍ଟ କରି ଲେଖିଛନ୍ତି, ‘ଗୁଡବାଏ 2020 । ତୁମେ ଆମକୁ ଭୟର ନିକଟତର କରିଥିଲ । ଆଉ ଆମେମାନେ ଶିଖିଗଲୁ ବିନା ଡରରେ କିପରି ସମସ୍ତଙ୍କୁ ପ୍ରେମ କରି ପାରିବୁ ।’

ଅକ୍ଷୟ ମଧ୍ୟ ଟ୍ବିଟରରେ ଏକ ସୂର୍ଯ୍ୟ ଉଦୟର ଏକ ଭିଡିଓ ପୋଷ୍ଟ କରି ଲେଖିଛନ୍ତି, ‘ଏହା 2021ର ପ୍ରଥମ ସୂର୍ଯ୍ୟ ଉଦୟ । ଯଦି ଆପଣ ଏହାକୁ ମିସ୍ କରିଛନ୍ତି । ସମସ୍ତଙ୍କୁ ସଫଳତା ଏବଂ ଖୁସି ମିଳି ଏତିକି ମୋର ପ୍ରାର୍ଥନା । ନୂଆ ବର୍ଷର ଶୁଭକାମନା ।’

ଅକ୍ଷୟଙ୍କ ବ୍ୟତୀତ ବି-ଟାଉନର ଡିଭା ସୋନମ କପୁର ଲେଖିଛନ୍ତି, ‘ସମସ୍ତଙ୍କୁ ନୂଆ ବର୍ଷର ଶୁଭେଚ୍ଛା ଓ ଶୁଭକାମନା ।’ ବର୍ତ୍ତମାନ ଭାଇରାଲ ହେଉଥିବା ସୋନମଙ୍କ ଫଟୋରେ ଦେଖିବାକୁ ମିଳୁଛି ସେ ସ୍ବାମୀ ଆନନ୍ଦ ଆହୁଜାଙ୍କୁ କିସ୍ କରୁଥିବାର ।

ଅନ୍ୟପଟେ ପ୍ରିୟଙ୍କା ଚୋପ୍ରା ସ୍ବାମୀ ନିକ ଜୋନସଙ୍କ ସହ ଫଟୋ ପୋଷ୍ଟ କରିଛନ୍ତି । ଯେଉଁଥିରେ ଦୁଇଜଣଙ୍କ ସେଲିବ୍ରେଶନ ମୁଡରେ ନଜର ଆସୁଛନ୍ତି । ଏହାସହ ପିସି ଲେଖିଛନ୍ତି, ‘ଭବିଷ୍ୟତ ଆଲୋକିତ ହେବାର ଆଶା । ଲଣ୍ଡନରୁ ସମସ୍ତଙ୍କୁ ହାପି ନ୍ୟୁ ଇୟର ।’