ମୁମ୍ବାଇ: ବିଜେପି ରାଜ୍ୟସଭା ସାଂସଦ ସୁବ୍ରମଣ୍ୟମ ସ୍ବାମୀ ଲୋକପ୍ରିୟ ନିର୍ମାତା ମହେଶ ଭଟ୍ଟଙ୍କୁ ଟାର୍ଗେଟ କରିଛନ୍ତି । ଯାହାକୁ ନେଇ ବର୍ତ୍ତମାନ ଚର୍ଚ୍ଚା । ସେ ମହେଶଙ୍କୁ ଇସଲାମ ଧର୍ମ ଗ୍ରହଣ କରିଛନ୍ତି କି ବୋଲି ପ୍ରଶ୍ନ କରିଛନ୍ତି । ସ୍ବର୍ଗତ ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା କେସରେ ଲଗାତାର ପ୍ରତିକ୍ରିୟା ଦେଇଆସୁଛନ୍ତି । ଏହାସହ ସେ ବଲିଉଡ ଓ କିଛି ସେଲିବ୍ରିଟିଙ୍କ ସମାଲୋଚନା କରିସାରିଲେଣି । ଏବେ ତାଙ୍କ ସମାଲୋଚନାର ଶିକାର ହୋଇଛନ୍ତି ମହେଶ ।
ବୁଧବାର ସ୍ବାମୀ ଏକ ଟ୍ବିଟ କରି ଲେଖିଛନ୍ତି, ‘ସିନେମା ଦାଦା ମହେଶ ଭଟ୍ଟ ଇସଲାମ ଧର୍ମ ଗ୍ରହଣ କରି ଆଶ୍ରାଫ ବଟଙ୍କ ନାମ ନେଇଛନ୍ତି କି? ଯଦି ନୁହେଁ ତେବେ ଦୟାକରି ତାଙ୍କୁ ପୋଲିସ୍ ରେକର୍ଡ ସଂଶୋଧନ କରିବାକୁ କୁହନ୍ତୁ ।’