ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ମାମଲା ଦେଶର ବଡ ପ୍ରସଙ୍ଗ ସାଜିଛି । ବର୍ତ୍ତମାନ ସିବିଆଇ ଏହି କେସରେ ଯାଞ୍ଚ କରୁଛି । ହେଲେ ସୁଶାନ୍ତଙ୍କୁ ନେଇ ପ୍ରାୟତଃ କିଛି ନା କିଛି ଖବର ଶୁଣିବାକୁ ମିଳୁଛି । ତାଙ୍କ ମୃତ୍ୟୁ ପରଠୁ କ୍ରମାଗତ ଭାବେ ସୋସିଆଲ ମିଡିଆରେ ପ୍ରତିକ୍ରିୟା ଦେଇଆସୁଥିବା ବିଜେପି ସାଂସଦ ସୁବ୍ରମଣ୍ୟମ ସ୍ବାମୀ ପୁଣି ବୟାନ ଦେଇ ଚର୍ଚ୍ଚାରେ । ଏଥରେ ସେ ଦୁବାଇର ଜଣେ ଡ୍ରଗ ଡିଲର ସୁଶାନ୍ତଙ୍କ ମୃତ୍ୟୁ ପୂର୍ବରୁ ସାକ୍ଷାତ କରିଥିଲେ ବୋଲି ଖୁଲାସା କରିଛନ୍ତି ।
ଏହ ଅଭିଯୋଗ ସେ ସୋମବାର ଏକ ଟ୍ବିଟ କରି ଲଗାଇଛନ୍ତି । ସେ ପୋଷ୍ଟରେ ଲେଖିଛନ୍ତି, ‘ଯେମିତି ସୁନନ୍ଦା ପୁଷ୍କର ମାମଲାରେ ଏମ୍ସ ଡାକ୍ତରଙ୍କ ଦ୍ବାରା ପୋଷ୍ଟମାର୍ଟମ ସମୟରେ ତାଙ୍କ ପେଟରେ ଯେଉଁ ବିଷ ଥିବା କଥା ଜଣାପଡିଥିଲା। ହେଲେ ଶ୍ରୀଦେବୀ କିମ୍ବା ସୁଶାନ୍ତଙ୍କ କେସରେ ଏମିତି କରାଯାଇନାହିଁ । ଦୁବାଇର ଜଣେ ଡ୍ରଗ ଡିଲର ଆୟୁଷ ଖାନ ସୁଶାନ୍ତଙ୍କୁ ହତ୍ୟା ଦିନ ସାକ୍ଷାତ କରିଥିଲେ । କାହିଁକି?’