ହାଇଦ୍ରାବାଦ: ‘କୁଛ କୁଛ ହୋତା ହେ’ ରୁ ନିର୍ଦ୍ଦେଶନା କ୍ଷେତ୍ରରେ ପାଦ ଦେଇଥିବା କରଣ ଜୋହରଙ୍କ ଆଜି ଜନ୍ମଦିନ । 47 ବର୍ଷିୟ କରଣ କ୍ୟାରିୟର ଆରମ୍ଭରେ ଚାରୋଟି ଫିଲ୍ମ ଶାହାରୁଖଙ୍କୁ ନେଇ କରିଥିଲେ ଓ ଚାରୋଟି ଯାକ ସୁପରହିଟ ହୋଇଥିଲା । ବକ୍ସ ଅଫିସରେ ସର୍ବାଧିକ ବ୍ୟବସାୟ ମଧ୍ୟ କରିଥିଲା ।
1998ରେ ରିଲିଜ ହୋଇଥିବା ଫିଲ୍ମ ‘କୁଛ କୁଛ ହୋତା’ରେ କରଣ ଲଭ ଟ୍ରାଙ୍ଗେଲର ଆରମ୍ଭ କରିଥିଲେ । ଶାହାରୁଖ କାଜଲଙ୍କ ପ୍ରେମ କାହାଣୀ ସହ ରାଣୀ ମୁଖାର୍ଜୀଙ୍କୁ ସପୋର୍ଟିଂ ରୋଲରେ ଦେଖିବାକୁ ମିଳିଥିଲା । ଏହାସହ ସଲମାନଙ୍କ ଗେଷ୍ଟ ଆପିଅରାନ୍ସ ମଧ୍ୟ ଦର୍ଶକଙ୍କୁ ଖୁବ ପସନ୍ଦ ଆସିଥିଲା ।
2001ରେ ‘କଭି ଖୁସି କଭି ଗମ’ ଫ୍ୟାମିଲି ଡ୍ରାମା ନେଇକି ଆସିଲେ କରଣ । ମଲ୍ଟି ଷ୍ଟାରକାଷ୍ଟଙ୍କୁ ଫିଲ୍ମରେ ଦେଖିବାକୁ ମିଳିଥିଲା । ଶାହାରୁଖ, କାଜୋଲ, କରିନା, ହ୍ରିତିକ, ଜୟା ଓ ଅମିତାଭଙ୍କୁ ଏକାଠି ଦେଖିବାକୁ ମିଳିଥିଲା । 2006 ପର୍ଯ୍ୟନ୍ତ ବକ୍ସ ଅଫିସରେ ଫିଲ୍ମର କ୍ରେଜ ରହିଲା । ସବୁଠୁ ଅଧିକ 2001 ରୁ 2006 ମଧ୍ୟରେ ସବୁଠୁ ଅଧିକ ରୋଜଗାର କରିଥିବା ଫିଲ୍ମ ଥିଲା ଏହା ।