ହାଇଦ୍ରାବାଦ: ବଲିଉଡ ଅଭିନେତ୍ରୀ ଜରିନ ଖାନ ଆଜି ନିଜର 32ତମ ଜନ୍ମଦିନ ପାଳନ କରୁଛନ୍ତି । ମୁମ୍ବାଇରେ ରହୁଥିବା ଜରିନ 2010ରେ ସଲମାନଙ୍କ ସହ 'ବୀର' ଫିଲ୍ମ ଜରିଆରେ ବଲିଉଡକୁ ଏଣ୍ଟ୍ରି ମାରିଥିଲେ । ବୀର ପରେ ଜରିନ ଅନେକ ବୋଲ୍ଡ ଫିଲ୍ମରେ ମଧ୍ୟ ନଜର ଆସିସାରିଛନ୍ତି । ହେଟ ଷ୍ଚୋରୀ-3 ପରେ ଜରିନଙ୍କ ବୋଲ୍ଡ ଲୁକ ଦେଖିବାକୁ ମିଳିଥିଲା ।
ଛୋଟ ବେଳେ ଡାକ୍ତର ହେବାର ସ୍ବପ୍ନ ଦେଖୁଥିବା ଜରିନ କେବେ ଭାବିନଥିଲେ ଅଭିନୟ କରିବେ । ବଲିଉଡରେ ଏଣ୍ଟ୍ରି ପୂର୍ବରୁ ଜରିନ କଲ ସେଣ୍ଟରରେ କାମ କରୁଥିଲେ । ଡାକ୍ତରୀ ପାଠ ପଢୁଥିବା ସମୟରେ ଘରର ଆର୍ଥିକ ସ୍ଥିତି ଖରାପ ହେବାରୁ ପାଠ ଅଧାରୁ ଛାଡିବାକୁ ପଡିଥିଲା ଜରିନଙ୍କୁ ।