ଭଂସାଲୀଙ୍କ 'ଗଙ୍ଗୁବାଈ'ରେ ଦେଶୀ ଗର୍ଲ

ସଞ୍ଜୟ ଲୀଲା ଭଂସାଲୀଙ୍କ ଆଗାମୀ ଫିଲ୍ମରେ ଗ୍ଲୋବାଲ ଅଭିନେତ୍ରୀ ପ୍ରିୟଙ୍କା ଚୋପ୍ରା । ଫିଲ୍ମରେ ଗଙ୍ଗୁବାଇ ଚରିତ୍ରରେ ଅଭିନୟ କରୁଥିବାର ଦେଖାଯିବେ ପିସି ।

ହାଇଦ୍ରାବାଦ: ଲୋକପ୍ରିୟ ଫିଲ୍ମ ନିର୍ମାତା ସଞ୍ଜୟ ଲୀଲା ଭଂସାଲୀ ଓ ସଲମାନ ଖାନଙ୍କ ଆଗାମୀ ଫିଲ୍ମ ଏହି ସମୟରେ ଦର୍ଶକଙ୍କ ଉତ୍ସାହ ବଢାଇଦେଇଛି । ଫିଲ୍ମ ସହ କିଙ୍ଗ ଖାନ ଶାହରୁଖ ଖାନଙ୍କ ନାମ ମଧ୍ୟ ସମ୍ପୃକ୍ତ ହୋଇସାରିଲାଣି । ଏହି କ୍ରମରେ ଖବର ଶୁଣିବାକୁ ମିଳୁଛି ଯେ ସଞ୍ଜୟ 'ଗଙ୍ଗୁବାଈ' ନାମରେ ଏକ ଟାଇଟଲ ରେଜିଷ୍ଟର କରିସାରିଛନ୍ତି । ଫିଲ୍ମରେ ମୁଖ୍ୟ ଭୂମିକାରେ ଦେଶୀ ଗର୍ଲ ପ୍ରିୟଙ୍କା ଚୋପ୍ରା ନଜର ଆସିପାରନ୍ତି ।

ଆଜ୍ଞା ହଁ, ସଞ୍ଜୟ ନିକଟରେ ଇଣ୍ଡିଆନ ମୋଶନ ପିକ୍ଚର୍ସ ପ୍ରଡ୍ୟୁସର୍ସ ଆସୋସିଏସନ( ଆଇଏମଏମପି) ସହ ନିଜ ଆଗାମୀ ଫିଲ୍ମର ନାମ ରେଜିଷ୍ଟର କରିଥିଲେ । ପୂର୍ବରୁ ଫିଲ୍ମର ନାମ 'ହୀରା ମଣ୍ଡି' ରଖାଯିବାର ବିଚାର କରାଯାଇଥିଲା । ଏବେ ଚର୍ଚ୍ଚା ହେଉଛୁ ଯେ ଫିଲ୍ମ ପାଇଁ 'ଗଙ୍ଗୁବାଈ' ନାମ ରେଜିଷ୍ଟର କରାଯାଇଛି ।

ଏହି ପିରିୟଡ ଫିଲ୍ମ କଥିତ ରୂପେ ଏକ ଦେହଜୀବି ମହିଳା ଗଙ୍ଗୁବାଈ ଉପରେ ଆଧାରିତ ଫିଲ୍ମ । ଗଙ୍ଗୁବାଈଙ୍କୁ 'ମ୍ୟାଡମ ଅପ କମାଠିପୁରା' ନାମରେ ମଧ୍ୟ ଜଣାଯାଇଥାଏ । ସେ କମାଠିପୁରାରେ ଏକ ଦେହଜୀବି ସଂସ୍ଥା ଚଳାଇଥିଲେ । ଏହି ସଂସ୍ଥାରୁ ଆୟ କରୁଥିବା ଟଙ୍କାକୁ ସେ ଗରିବ ଝିଅମାନଙ୍କର ସାହାଯ୍ୟରେ ଲଗାଉଥିଲେ ।