ମୁମ୍ବାଇ: ହ୍ୟାଣ୍ଡସମ ଅଭିନେତା ଜନ ଆବ୍ରାହମ ପୁଣି ଜବରଦସ୍ତ ଆକ୍ସନଭରା ଫିଲ୍ମ 'ବାଟଲା ହାଉସ' ନେଇ ପରଦାକୁ ଫେରିବାକୁ ଯାଉଛନ୍ତି । ବାସ୍ତବ କାହାଣୀ ଉପରେ ଆଧାରିତ ଏହି ଫିଲ୍ମକୁ ନେଇ ଦର୍ଶକ ଖୁବ୍ ଉତ୍ସାହିତ । ଯାହାର ଟ୍ରେଲର ଜୁଲାଇ 10ରେ ରିଲିଜ ହେବାକୁ ଥିବାବେଳେ ଏବେ ଜାରି ହୋଇଯାଇଛି ଫିଲ୍ମର ଦମଦାର ପୋଷ୍ଟର ।
ଏହି ଅବସରରେ ଜନ ନିଜ ଇନଷ୍ଟାଗ୍ରାମରେ ଫିଲ୍ମର ପୋଷ୍ଟର ସେୟାର କରିଛନ୍ତି । ପ୍ରକାଶ ଥାଉକି 2008ରେ ଦିଲ୍ଲୀର ବାଟଲା ବାଉସରେ ଏନକାଉଣ୍ଟର ସ୍ପେଶାଲିଷ୍ଟ ଏବଂ ଦିଲ୍ଲୀ ପୋଲିସ ଇନସ୍ପେକ୍ଟର ମୋହନ ଚନ୍ଦ୍ର ଶର୍ମାଙ୍କ ମୃତ୍ୟୁ ହୋଇଥିଲା । 2008 ସେପ୍ଟେମ୍ବର 19ରେ ଜାମିୟା ନଗରର ବାଟଲା ହାଉସ ଅଞ୍ଚଳରେ ଦୁଇ ସନ୍ଦିଗ୍ଧ ଆତଙ୍କବାଦୀ ଆତିଫ ଅମୀନ ଓ ମହମ୍ମଦ ସାଜିଦଙ୍କୁ ଧରାଯିବା ପାଇଁ ଏନକାଉଣ୍ଟର କରାଯାଇଥିଲା ।