ହାଇଦ୍ରାବାଦ: 'ବାହୁବଳୀ' ପ୍ରଭାସ ଓ ଶ୍ରଦ୍ଧା କପୁରଙ୍କ ଫିଲ୍ମ 'ସାହୋ' ଅନେକ ଦିନରୁ ଦର୍ଶକଙ୍କ ମଧ୍ୟରେ ଚର୍ଚ୍ଚାରେ ଅଛି । ଯେବେ ଠାରୁ ଫିଲ୍ମର ନୂଆ ଟିଜର ସାମ୍ନାକୁ ଆସିଛି, ଫ୍ୟାନ୍ସ ଫିଲ୍ମ ଦେଖିବାକୁ ନେଇ ଖୁବ୍ ଉତ୍ସାହିତ ଅଛନ୍ତି । ଇତିମଧ୍ୟରେ ଖବର ଶୁଣିବାକୁ ମିଳୁଛି ଯେ 'ସାହୋ'ର ପ୍ରଯୋଜକ ଫିଲ୍ମର ଇଣ୍ଟରଭାଲ ସିନ ପାଇଁ କୋଟି କୋଟି ଟଙ୍କା ଖର୍ଚ୍ଚ କରିବାକୁ ଯାଉଛନ୍ତି । ଫିଲ୍ମର ନିର୍ଦ୍ଦେଶନା ଦାୟିତ୍ବ ସୁଜିତ ସମ୍ଭାଳିଛନ୍ତି । ଫିଲ୍ମର ସୁଟିଂ ପାଖାପାଖି ଦୁଇବର୍ଷ ହେଲା ଚାଲିଛି । ଏମିତିରେ ଫିଲ୍ମ ନିର୍ମାତା ଫିଲ୍ମକୁ ଶାନଦାର କରିବା ପାଇଁ କୌଣସି କାର୍ଯ୍ୟ ଛାଡିବାକୁ ଚାହୁଁନାହାଁନ୍ତି ।
ପ୍ରକାଶ ଥାଉକି 'ସାହୋ'ର ଇଣ୍ଟରଭାଲ ସିକ୍ବେନ୍ସ ଖାସ୍ ରଖାଯାଇଛି ଏବଂ ଏହା ପାଇଁ ନିର୍ମାତା ପାଖାପାଖି 30 କୋଟି ଟଙ୍କା ଖର୍ଚ୍ଚ କରିବାର ନିଷ୍ପତ୍ତି ନେଇଛନ୍ତି । ଏହା ମଧ୍ୟ ଶୁଣିବାକୁ ମିଳୁଛି ଯେ ଇଣ୍ଟରଭାଲ ସମୟରେ ଏହି ଫିଲ୍ମରେ ଶାନଦାର ଆକ୍ସନ ସିନ ଦେଖିବାକୁ ମିଳିବ ।