ମୁମ୍ବାଇ: ନ୍ୟାସନାଲ ଆୱାର୍ଡ ୱିନର ଆୟୁଷ୍ମାନ ଖୁରାନା ନିଜର ଆଗାମୀ ଫିଲ୍ମ ‘ଡ୍ରିମ ଗାର୍ଲ’ ପାଇଁ ଚର୍ଚ୍ଚାରେ ଅଛନ୍ତି । ନିକଟରେ ରିଲିଜ ହୋଇଥିବା ଫିଲ୍ମର ଟ୍ରେଲର ଦର୍ଶକଙ୍କୁ ଖୁବ୍ ହସାଇଥିଲା । ଆଉ ଇତିମଧ୍ୟରେ ରିଲିଜ ହୋଇଯାଇଛି ଫିଲ୍ମର ପ୍ରଥମ ଟ୍ରାକ ‘ରାଧେ ରାଧେ’ । ଗୀତରେ ଆୟୁଷ୍ମାନ ଶ୍ରୀ କୃଷ୍ଣଙ୍କ ଅବତାରରେ ନଜର ଆସୁଛନ୍ତି ।
ପ୍ରକାଶ ଥାଉକି ଭିନ୍ନ ଭିନ୍ନ ଅଭିନୟକୁ ନେଇ ସବୁବେଳେ ଦର୍ଶକଙ୍କ ମନ କିଣୁଥିବା ଆୟୁଷ୍ମାନ ଏଥର ମଧ୍ୟ ପ୍ରସ୍ତୁତ ହୋଇସାରିଛନ୍ତି ପୁଣି ଦର୍ଶକଙ୍କୁ ଦିୱାନା କରିବାକୁ । ‘ଡ୍ରିମ ଗାର୍ଲ’ ଫିଲ୍ମରେ ଆୟୁଷ୍ମାନଙ୍କ ମହିଳା ଅବତାର ଦେଖିବାକୁ ମିଳିବ । ଆଉ ସବୁଠାରୁ ମଜାଦାର କଥା ହେଲା କି ଫିଲ୍ମରେ ଅବିକଳ ଝିଅଙ୍କ ଭଳି ସ୍ବରରେ କଥା ହେଉଛନ୍ତି ଆୟୁଷ୍ମାନ । ଯାହା ତାଙ୍କ ଫ୍ୟାନ୍ସଙ୍କୁ ଆହୁରି ଏକ୍ସାଇଟେଡ କରୁଛି ଫିଲ୍ମ ଦେଖିବାକୁ ।