ମୁମ୍ବାଇ: ସୁପରଷ୍ଟାର ଶାହରୁଖ ଖାନ ବଲିଉଡରେ 28 ବର୍ଷ ପୂରଣ କରିନେଇଛନ୍ତି । ଏହି ଅବସରରେ ଶାହରୁଖ ଟ୍ବିଟରରେ ଏକ ଫଟୋ ସେୟାର କରିଛନ୍ତି । ଯାହାକୁ 4 ହଜାରରୁ ଅଧିକ ଫ୍ୟାନ୍ସ ପସନ୍ଦ କରିଛନ୍ତି । ହେଲେ ଇତିମଧ୍ୟରେ ଲୋକପ୍ରିୟ ଅଭିନେତା ଅର୍ଶଦ ୱାରସୀ କିଛି ଏମିତି କମେଣ୍ଟ କରିଦେଇଛନ୍ତି । ଯାହାକୁ ଆଧାର କରି ବର୍ତ୍ତମାନ ତାଙ୍କୁ ଟ୍ରୋଲ କରାଯାଉଛି । ତେବେ ଆସନ୍ତୁ ଜାଣିବା କଣ କଲେ ଅର୍ଶଦ...
କଥାଟି ହେଲା ଯେ ନିଜ ଫଟୋ ଟ୍ବିଟରରେ ସେୟାର କରି ଶାହରୁଖ ଲେଖିଛନ୍ତି, ‘ଜଣାପଡିଲା ନାହିଁ କେବେ ମୋ ପ୍ୟାସନ ମୋର ଲକ୍ଷ୍ୟ ସାଜିଲା । ଆଉ ମୋର ପ୍ରଫେଶନ ହୋଇଗଲା । ଆପଣଙ୍କୁ ଧନ୍ୟବାଦ କି ଏତେ ବର୍ଷ ମତେ ମନୋରଞ୍ଜନ କରିବାକୁ ସୁଯୋଗ ଦେଇଥିବାରୁ । ମୁଁ ଅନୁଭବ କରୁଛି ଯେ ମୋର ପ୍ରଫେଶନାଲଜିମରୁ ଅଧିକ ମୋର ପ୍ୟାସନ ମୁଖ୍ୟ ଫ୍ୟାକ୍ଟର ସାଜିବ । ଯାହାପାଇଁ ମୁଁ ଆଗାମୀ ବର୍ଷରେ ମଧ୍ୟ ଆପଣଙ୍କୁ ମନୋରଞ୍ଜନ କରିପାରିବି । ଗୌରି ଖାନ ଏହି ଫଟୋ ପାଇଁ ଆପଣଙ୍କୁ ବି ଧନ୍ୟବାଦ ।’