ମୁମ୍ବାଇ: ଫିଲ୍ମ ଠାରୁ ଅଧିକ ନିଜ ଲଭଲାଇଫକୁ ନେଇ ଚର୍ଚ୍ଚାରେ ରହୁଥିବା ଅଭିନେତା ଅର୍ଜୁନ ରାମପାଲ ଏହି ସମୟରେ ନିଜ ଗର୍ଭବତୀ ଗାର୍ଲଫ୍ରେଣ୍ଡଙ୍କ ସହ ମାଳଦ୍ବୀପରେ ଛୁଟି କାଟିବାରେ ବ୍ୟସ୍ତ ଅଛନ୍ତି । ଯାହାର ଫଟୋ ନିକଟରେ ଅର୍ଜୁନ ସୋସିଆଲ ମିଡିଆରେ ସେୟାର କରିଥିଲେ । ଫଟୋରେ ଅର୍ଜୁନ ଗାର୍ଲଫ୍ରେଣ୍ଡ ଗାବ୍ରିଏଲ ଡେମିଟ୍ରିଏଡସଙ୍କ ସହ ନଜର ଆସୁଛନ୍ତି ।
ଗର୍ଭବତୀ ଗାର୍ଲଫ୍ରେଣ୍ଡଙ୍କ ସହ ମାଳଦ୍ବୀପରେ ଅର୍ଜୁନ - pregnant
ବିବାହ ପୂର୍ବରୁ ଅର୍ଜୁନ ରାମପାଲଙ୍କ ଗାର୍ଲଫ୍ରେଣ୍ଡ ଗାବ୍ରିଏଲ ଗର୍ଭବତୀ ଅଛନ୍ତି । ଯାହା ପାଇଁ ଅର୍ଜୁନ ଚର୍ଚ୍ଚାରେ ଆସିଥିଲେ । ଇତିମଧ୍ୟରେ ସେ ଗାର୍ଲଫ୍ରେଣ୍ଡଙ୍କ ସହ ମାଳଦ୍ବୀପରେ ଛୁଟି କାଟିବାରେ ବ୍ୟସ୍ତ ଅଛନ୍ତି ।
ଫଟୋ ସୌଜନ୍ୟ: ସୋସିଆଲ ମିଡିଆ/ଇନଷ୍ଟାଗ୍ରାମ@ଅର୍ଜୁନ ରାମପାଲ
ଅର୍ଜୁନ ଏହି ରୋମାଣ୍ଟିକ ଫଟୋ ସେୟାର କରି ଲେଖିଛନ୍ତି, "ଯଦି ଆପଣଙ୍କର ସବୁ ଶାନଦାର ହେଉଛି, ତେବେ ଆପଣଙ୍କ ଉପରେ ଈଶ୍ବରଙ୍କ କୃପା ଅଛି ।" ଫଟୋଟି ସେୟାର ହେବା ମାତ୍ରେ ସୋସିଆଲ ମିଡିଆରେ ଖୁବ୍ ଭାଇରାଲ ହୋଇଛି ।
ଫଟୋଟି ସେୟାର ହେବାର କିଛି ସମୟ ମଧ୍ୟରେ 80 ହଜାରରୁ ଅଧିକ ଲାଇକ୍ସ ମିଳିସାରିଛି । ଏହାସହ ଫଟୋରେ ତାଙ୍କ ପ୍ରଶଂସକଙ୍କ ଅନେକ କମେଣ୍ଟ ମଧ୍ୟ ଦେଖିବାକୁ ମିଳୁଛି ।