ମୁମ୍ବାଇ: ବର୍ତ୍ତମାନ ବଲିଉଡରେ ବାୟୋପିକର ସମୟ ଚାଲିଛି । ପ୍ରାୟତଃ ଅନେକ ବ୍ୟକ୍ତିତ୍ବଙ୍କ ବାୟୋପିକର ମଜା ଉଠାଇ ସାରିଲେଣି ଦର୍ଶକ । ଏହିକ୍ରମରେ କ୍ରିକେଟର ଲୋକପ୍ରିୟ ଖେଳାଳି କପିଲ ଦେବଙ୍କ ବାୟୋପିକ ଆସିବାକୁ ଯାଉଛି । କପିଲଙ୍କ ଚରିତ୍ରରେ ନଜର ଆସିବେ ରଣଭୀର ସିଂହ । ଇତିମଧ୍ୟରେ ଅଭିନେତା ଅନିଲ କପୁର ଭାରତୀୟ କ୍ରିକେଟର ଅଲରାଉଣ୍ଡର ସଚିନ ତେନ୍ଦୁଲକରଙ୍କ ବାୟୋପିକରେ କାମ କରିବାକୁ ଇଚ୍ଛା ପ୍ରକାଶ କରିଛନ୍ତି ।
ଏକ ସାକ୍ଷାତକାରେ ତାଙ୍କୁ ପ୍ରଶ୍ନ କରାଯାଇଥିଲା ଯେ ସେ କେଉଁ ଖେଳାଳିଙ୍କ ବାୟୋପିକରେ କାମ କରିବାକୁ ପସନ୍ଦ କରିବେ ? ଜବାବରେ ଅନିଲ, ସଚିନଙ୍କ ନାମ ନେଇଥିଲେ । କାରଣ ସେ ସଚିନଙ୍କ ବଡ ପ୍ରଶଂସକ ।