ବିନ୍ଦାସ ପୋଲିସ ଅଫିସର ଅନ୍ଦାଜରେ ଅନିଲ, ଦେଖନ୍ତୁ ପୋଷ୍ଟର

ଆଜି ନିଜର 63ତମ ଜନ୍ମଦିନ ପାଳନ କରୁଛନ୍ତି ଲୋକପ୍ରିୟ ଅଭିନେତା ଅନିଲ କପୁର। ଏହି ଅବସରରେ ଜାରି ହୋଇଯାଇଛି ତାଙ୍କ ଆଗାମୀ ଫିଲ୍ମ ‘ମଲଙ୍ଗ’ର ଫାଷ୍ଟଲୁକ ପୋଷ୍ଟର। ଭିନ୍ନ ଅବତାରରେ ନଜର ଆସିଲେ ମିଷ୍ଟର ଝକାସ।

ମୁମ୍ବାଇ: ଆସନ୍ତା ବର୍ଷ ରିଲିଜ ହେବାକୁ ଯାଉଥିବା ହ୍ୟାଣ୍ଡସମ ଆକ୍ଟର ଆଦିତ୍ୟ ରାୟ କପୁର ଓ ଦିଶା ପାଟନୀଙ୍କ ଅଭିନତୀ ଫିଲ୍ମ ମଲଙ୍ଗକୁ ନେଇ ଚର୍ଚ୍ଚା। ଫିଲ୍ମରେ ମିଷ୍ଟର ଝକାସ ଅନିଲ କପୁର ମଧ୍ୟ ମୁଖ୍ୟ ଭୂମିକାରେ ନଜର ଆସିବେ। ଯାହାଙ୍କ ଫାଷ୍ଟଲୁକ ପୋଷ୍ଟର ମଙ୍ଗଳବାର ଜାରି ହୋଇଯାଇଛି। କାରଣ ଆଜି ଅନିଲଙ୍କ 63ତମ ଜନ୍ମଦିନ। ଏହି ଅବସରରେ ‘ମଲଙ୍ଗ’ ମେକର୍ସ ତାଙ୍କ ପୋଷ୍ଟର ଜାରି କରି ବର୍ଥଡେ ଗିଫ୍ଟ ଦେଇଛନ୍ତି।

ଅନିଲ ଟ୍ବିଟରେ ନିଜ ଫାଷ୍ଟଲୁକ ପୋଷ୍ଟର ସେୟାର କରିଛନ୍ତି। ‘ମଲଙ୍ଗ’ ଫିଲ୍ମରେ ଅନିଲଙ୍କ ରୋଲ ଜଣେ ଖଳନାୟକ ପୋଲିସ ଅଫିସର। ଜାରି ହୋଇଥିବା ପୋଷ୍ଟରେ ଯାହା ସ୍ପଷ୍ଟ ରୂପେ ଦେଖିବାକୁ ମିଳୁଛି। ପୋଷ୍ଟରରେ ସେ ପୋଲିସ ପୋଷାକ ପିନ୍ଧି ଆଖିରେ ଚଷମା ଲଗାଇ ବିନ୍ଦାସ ଅନ୍ଦାଜାରେ ନଜର ଆସୁଛନ୍ତି। ତାଙ୍କ ହାତରେ ଥିବା ଟାଟୁ ମଧ୍ୟ ଦର୍ଶକଙ୍କୁ ଖୁବ୍ ଆକର୍ଷିତ କରିଛି।

ପ୍ରକାଶ ଥାଉକି ମଲ୍ଟି ଷ୍ଟାରର ଫିଲ୍ମ ‘ମଲଙ୍ଗ’ର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ମୋହିତ ସୁରୀ। ଅନିଲଙ୍କ ବ୍ୟତୀତ ଫିଲ୍ମରେ କୁନାଲ ଖେମୁ ମଧ୍ୟ ମୁଖ୍ୟ ଭୂମିକାରେ ନଜର ଆସିବେ।