ଉରି ପରେ ଆସୁଛି ପୁଲୱାମା ଆଟାକ୍

ପୁଲୱାମାରେ ହୋଇଥିବା ଆତଙ୍କବାଦୀ ଆକ୍ରମଣକୁ ଏବେ ପରଦାରେ ଦେଖିବେ ଦର୍ଶକ । ଖୁବ୍ ଶୀଘ୍ର ଏହି ଘଟଣାକୁ ନେଇ ଫିଲ୍ମ ତିଆରି କରିବାକୁ ଯାଉଛନ୍ତି ନିର୍ଦ୍ଦେଶକ ଅଭିଷେକ କପୁର ।

ନୂଆଦିଲ୍ଲୀ: ନିକଟରେ କଶ୍ମୀରର ପୁଲୱାମାରେ ଭାରତୀୟ ସିଆରପିଏଫ ଯବାନଙ୍କ ଉପରେ ହୋଇଥିବା ଆତଙ୍କବାଦୀ ଆକ୍ରମଣରେ ପୁରା ଦେଶ କାନ୍ଦି ପକାଇଥିଲା । ଏହି ଦୁଃଖଦ ଘଟଣାକୁ ଦର୍ଶକ ସୁନେଲୀ ପରଦାରେ ଦେଖିବାକୁ ଯାଉଛନ୍ତି । ଆଜ୍ଞା ହଁ, ଏବେ ବଲିଉଡରେ ଏହି ଘଟଣା ଉପରେ ଖୁବ୍ ଶୀଘ୍ର ଫିଲ୍ମ ତିଆରି କରାଯିବାର ଯୋଜନା ଚାଲିଛି ।

'ଧଡକ' ଫିଲ୍ମ ଜରିଆରେ ସମସ୍ତଙ୍କ ମନ କିଣିଥିବା ଅଭିନେତା ଈଶାନ ଖଟ୍ଟର ଏହି ଫିଲ୍ମରେ ମୁଖ୍ୟ ଭୂମିକାରେ ନଜର ଆସିବେ । ଆକ୍ରମଣ ଉପରେ ଫିଲ୍ମ ତିଆରି କରିବାର ବିଚାର କରିଛନ୍ତି ଲୋକପ୍ରିୟ ନିର୍ଦ୍ଦେଶକ ଅଭିଷେକ କପୁର ।

ଗତ ବର୍ଷ ଅଭିନେତ୍ରୀ ସାରା ଅଲ୍ଲୀ ଖାନଙ୍କ ଡେବ୍ୟୁ ଫିଲ୍ମ 'କେଦାରନାଥ'ର ନିର୍ଦ୍ଦେଶନା କରିଥିଲେ ଅଭିଷେକ । ଖୁବ୍ ଶୀଘ୍ର ସେ ଏହି ଫିଲ୍ମର ଟାଇଟଲ ଏବଂ କଳାକାରଙ୍କ ନାମ ଘୋଷଣା କରିବେ ।