ସାଉଥ ସୁପରଷ୍ଟାରଙ୍କ ସହ ଆଲିଆ

ସାଉଥ ଫିଲ୍ମରେ ନଜର ଆସିବେ ଆଲିଆ ଭଟ୍ଟ । ସାଉଥ ସୁପରଷ୍ଟାର ରାମ ଚରଣଙ୍କ ଅପୋଜିଟରେ କରିବେ ଅଭିନୟ । ଅନ୍ୟପକ୍ଷେ ରାମଙ୍କ ପିତା ଭୂମିକାରେ ନଜର ଆସିପାରନ୍ତି ଅଜୟ ଦେବଗନ ।

ହାଇଦ୍ରାବାଦ: ଖୁବଶୀଘ୍ର ପରଦାକୁ ଆସୁଛି ଏସ ଏସ ରାଜମୌଲୀଙ୍କ ଫିଲ୍ମ ଆରଆରଆର(RRR) । ଫିଲ୍ମରେ ରାମ ଚରଣଙ୍କ ସହ ନଜର ଆସିବେ ଜୁନିୟର ଏନଟିଆର । ତେବେ ଖବର ଅନୁସାରେ, ଫିଲ୍ମରେ ଆଲିଆ ଭଟ୍ଟ ଓ ଅଜୟ ଦେବଗନଙ୍କୁ ମଧ୍ୟ ଦେଖିବାକୁ ମିଳିବ । ଫିଲ୍ମରେ ଆଲିଆ ରାମ ଚରଣଙ୍କ ଅପୋଜିଟରେ ନଜର ଆସିବାକୁ ଥିବା ବେଳେ ଅଜୟଙ୍କୁ କ୍ୟାମିଓ ରୋଲରେ ଦେଖିବାକୁ ମିଳିବ ।

ଫିଲ୍ମର 40 ପ୍ରତିଶତ ସୁଟିଂ ସରିଯାଇଛି । ଫିଲ୍ମଟି ହାଇଦ୍ରାବାଦ, ଗୁଜୁରାଟ ଓ ପୁନେରେ ସୁଟିଂ କରାଯାଉଛି । ତେବେ ଆଲିଆ ଭଟ୍ଟଙ୍କ ସହ ଫିଲ୍ମର ବାକି ଭାଗ ଅହମ୍ମଦାବାଦ ଓ ପୁନେରେ ସୁଟିଂ କରାଯିବ । ଆଲିଆଙ୍କୁ 90 ଦଶକର ଝିଅ ଭୁମିକାରେ ଦେଖିବାକୁ ମିଳିବ । ସୂଚନା ଅନୁସାରେ, ଅଜୟଙ୍କୁ ରାମ ଚରଣଙ୍କ ପିତା ଭୁମିକାରେ ଦେଖିବାକୁ ମିଳିବ ।