ହାଇଦ୍ରାବାଦ: ବଲିଉଡ ଅଭିନେତ୍ରୀ ଆଲିଆ ଭଟ୍ଟଙ୍କ ଅଭିନୀତ ଫିଲ୍ମ 'ଗଙ୍ଗୁବାଇ କାଠିଆୱାଡି' ଫେବୃଆରୀ 25ରେ ରିଲିଜ ହୋଇସାରିଛି। ଦର୍ଶକଙ୍କ ରିଆକ୍ସନ ଦେଖିବା ପାଇଁ ଅଭିନେତ୍ରୀ ଆଲିଆ ଭଟ୍ଟ ମୁମ୍ବାଇର ପ୍ରସିଦ୍ଧ ସିନେମା ଗେୟଟି ଗାଲାକ୍ସିରେ ପହଞ୍ଚିଥିଲେ । ଆଲିଆ ପହଞ୍ଚିବା ମାତ୍ରେ ଲୋକମାନେ ତାଙ୍କ କାର ଚାରିପଟେ ଘେରି ଯାଇଥିଲେ । ଦର୍ଶକ ଅଭିନେତ୍ରୀଙ୍କୁ ଦେଖିବା ପାଇଁ ହୁଟିଂ ଆରମ୍ଭ କରିଦେଇଥିଲେ ଏବଂ ଆଲିଆଙ୍କୁ 'ଗଙ୍ଗୁବାଇ' ଡାକିବା ଆରମ୍ଭ କରିଥିଲେ।
ଏଭଳି ସ୍ବାଗତ ସମ୍ବର୍ଦ୍ଧନା ଗ୍ରହଣ କରିବା ପରେ ଆଲିଆ ତାଙ୍କ ପ୍ରଶଂସକଙ୍କୁ ଧନ୍ୟବାଦ ଜଣାଇଥିଲେ । ଅଭିନେତ୍ରୀ କାରର ଛାତରୁ ବାହାରି ପ୍ରଶଂସକଙ୍କ ପ୍ରତିକ୍ରିୟାକୁ ଗ୍ରହଣ କରିଥିଲେ । ଆଲିଆ ଗଙ୍ଗୁବାଇର ନମସ୍କାର ପୋଜ୍ ଦେଇଥିଲେ ଏବଂ ସେ ଫିଲ୍ମରୁ କିଛି ପ୍ରସିଦ୍ଧ ଲାଇନ "ଇଜ୍ଜତ ସେ ଜିନେ କା ... କିସି ସେ ଡରନେ କା ନେହିଁ" କୁ ମଧ୍ୟ ପୁନରାବୃତ୍ତି କରିଥିଲେ ।