ମୁମ୍ବାଇ: କ୍ୟୁଟ ଅଭିନେତ୍ରୀ ଆଲିୟା ଭଟ୍ଟ ବର୍ତ୍ତମାନ ନିଜର ବହୁ ଚର୍ଚ୍ଚିତ ଫିଲ୍ମ ‘ଗଙ୍ଗୁବାଇ କାଠିଆୱାଡି’କୁ ନେଇ ଉତ୍ସାହିତ । ନିକଟରେ ଫିଲ୍ମର ଜବରଦସ୍ତ ଟିଜର ରିଲିଜ କରାଯାଇଥିଲା । ଆଉ ଏଥିରେ ଆଲିୟାଙ୍କ ଅଭିନୟ ଦେଖି ସମସ୍ତେ ଦିୱାନା ହୋଇଯାଇଛନ୍ତି । ଫ୍ୟାନ୍ସଙ୍କ ଠୁ ନେଇ ସେଲିବ୍ରିଟି ମଧ୍ୟ ସୋସିଆଲ ମିଡିଆରେ ତାଙ୍କର ପ୍ରଶଂସା କରିବାରେ ଲାଗିଛନ୍ତି । ଖାଲି ଏତିକି ନୁହେଁ ଅନେକ ୟୁଜର୍ସ ଟିଜରର କ୍ଲିପରେ ମିମି ମଧ୍ୟ ତିଆରି କରି ଖୁବ୍ ଭାଇରାଲ କରିଛନ୍ତି ।
ସେପଟେ ଆଲିୟା ମଧ୍ୟ ଏହା ଦେଖି ଖୁବ୍ ଗର୍ବିତ ଅନୁଭବ କରୁଛନ୍ତି । ଆଉ ପ୍ରଶଂସକଙ୍କଠୁ ଏତେ ସ୍ନେହ ଓ ପ୍ରେମ ପାଇ ତାଙ୍କ ଖୁସି ନକହିଲେ ସରେ । ଫିଲ୍ମର ନୂଆ ପୋଷ୍ଟର ଜାରି କରି ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି ସେ ।