ମୁମ୍ବାଇ: ବି-ଟାଉନର କ୍ୟୁଟ ଅଭିନେତ୍ରୀ ଆଲିୟା ଭଟ୍ଟ ନିଜ ଅଭିନୟ ଜରିଆରେ ବର୍ତ୍ତମାନ ସମସ୍ତଙ୍କ ହୃଦୟରେ ରାଜ କରୁଛନ୍ତି । ତେବେ ଖୁବଶୀଘ୍ର ସେ ନିଜ କଣ୍ଠର ଯାଦୁ ଜରିଆରେ ଦର୍ଶକଙ୍କୁ ପାଗଳ କରିବାକୁ ଯାଉଛନ୍ତି । ଆଜ୍ଞା ହଁ, କିଛି ଫିଲ୍ମରେ ଗୀତ ଗାଇସାରିଥିବା ଆଲିୟା ଶୀଘ୍ର ନିଜର ମ୍ୟୁଜିକ ଭିଡିଓ ରିଲିଜ କରିବେ । ଯାହାର ଘୋଷଣା ତାଙ୍କ ଟିମ କରିଛି ।
ଶୁଣିବାକୁ ମିଳୁଛି ଯେ ସେ ଏହି ଭିଡିଓରେ ଗୀତ ଗାଇବା ସହ ଅଭିନୟ ମଧ୍ୟ କରୁଥିବାର ଦେଖାଯିବେ ଆଲିୟା । ସେ ନିକଟରେ ୟୁଟ୍ୟୁବ ଚ୍ୟାନେଲ ଲଞ୍ଚ କରିଥିଲେ । ୟୁଟ୍ୟୁବ ଚ୍ୟାନେଲର ଘୋଷଣା କରି ଏକ ଭିଡିଓ ମଧ୍ୟ ସୋସିଆଲ ମିଡିଆରେ ସେୟାର କରିଥିଲେ । ଭିଡିଓରେ ଆଲିୟା କହିଥିଲେ କି ସେ ଇନଷ୍ଟାଗ୍ରାମ ଏବଂ ଟ୍ବିଟର ପରେ ଏବେ ସେ ୟୁଟ୍ୟୁବ ଟ୍ରାଏ କରିବାକୁ ଚାହୁଁଛନ୍ତି ।