ନୂଆଦିଲ୍ଲୀ: ଉତ୍ତରପ୍ରଦେଶରେ ନିର୍ମାଣ ହେବାକୁ ଥିବା ଫିଲ୍ମ ସିଟିକୁ ନେଇ ବହୁ ଚର୍ଚ୍ଚା ଜୋର ଧରିଛି । ବିଶ୍ବସ୍ତରୀୟ ଫିଲ୍ମ ସିଟି ନିର୍ମାଣ କରିବାକୁ ଘୋଷଣା କରିଥିବା ସିଏମ୍ ଯୋଗୀ ନିକଟରେ ମୁମ୍ବାଇ ଗସ୍ତରେ ଅନେକ ସେଲିବ୍ରିଟିଙ୍କୁ ଭେଟିଥିଲେ । ଏହି ସମୟରେ ସେ ବଲିଉଡ ଖିଲାଡୀ ଅକ୍ଷୟ କୁମାରଙ୍କୁ ମଧ୍ୟ ଭେଟିଥିଲେ । ପୂର୍ବରୁ ସୂଚନା ପ୍ରକାଶ ପାଇଥିଲା ଯେ, ଫିଲ୍ମ ସିଟି ସଂପର୍କରେ ଅକ୍ଷୟ ୟୁପି ସିଏମଙ୍କୁ ଭେଟିଥିଲେ ।
ବର୍ତ୍ତମାନ ସାମ୍ନାକୁ ଆସିଥିବା ଖବର ଅନୁଯାୟୀ, ଅକ୍ଷୟ ୟୁପି ପାଇଁ କିଛି ସ୍ବତନ୍ତ୍ର ଯୋଜନା ପ୍ରସ୍ତୁତ କରିଛନ୍ତି । ସେ ତାଙ୍କର ଆଗାମୀ ଚଳଚ୍ଚିତ୍ର 'ରାମ ସେତୁ' ଦେଶର ବୃହତ୍ତମ ରାଜ୍ୟରେ ସୁଟିଂ କରିବାକୁ ଚାହୁଁଛନ୍ତି । ଏହି ସଂପର୍କରେ ସେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସହ ମଧ୍ୟ କଥା ହୋଇଛନ୍ତି ।