ମୁମ୍ବାଇ: ବଲିଉଡର ଫିଟନେସ ଫ୍ରିକ ଆକ୍ଟର ଅକ୍ଷୟ କୁମାର ନିଜ ୱାର୍କ ଆଉଟ ଏବଂ ଡାଏଟକୁ ସର୍ବଦା ଫଲୋ କରିଥାନ୍ତି । ତାଙ୍କ ଚେଷ୍ଟା ସବୁବେଳେ ଏହା ଥାଏ କି, ରାତିରେ ଶୀଘ୍ର ଶୋଇ ଭୋର 4ଟାରେ ଉଠିବା । ସେ ୱାର୍କ ଆଉଟ କରୁଥିବାର ଫଟୋ ନିଜ ସୋସିଆଲ ମିଡିଆରେ ଫ୍ୟାନ୍ସଙ୍କ ପାଇଁ ମଧ୍ୟ ସେୟାର କରିଥାନ୍ତି।
ଖାଲି ଏତିକି ନୁହେଁ ସେ ଅନ୍ୟମାନଙ୍କୁ ମଧ୍ୟ ୱାର୍କଆଉଟ କରିବାକୁ ପରାମର୍ଶ ଦେଇଥାନ୍ତି। କିନ୍ତୁ ଏଥର ମାମଲା ଟିକେ ଭିନ୍ନ। ସୋସିଆଲ ମିଡିଆରେ ଏବେ ତାଙ୍କ ୱାର୍କ ଆଉଟ ଦେଖିବାକୁ ମିଳୁନାହିଁ, ତାଙ୍କ ସ୍ଥାନରେ ଜଣେ କୁନି ଝିଅର ୱାର୍କ ଆଉଟ ଦେଖିବାକୁ ମିଳୁଛି।
ଏବେ ଆପଣ ଚିନ୍ତାରେ ପଡିଯାଇଥିବେ କି ଏହି କୁନି ଝିଅ ଜଣଙ୍କ କିଏ । ତେବେ ଜଣାଇ ଦେଉଛୁ ଯେ ଖିଲାଡୀ ନିଜ ଝିଅ ନିତାରାଙ୍କୁ ୱାର୍କ ଆଉଟର କ୍ଲାସ ଦେଇଥିବାର ନଜର ଆସୁଛନ୍ତି । ଆଜ୍ଞା ହଁ, ସେ ନିକଟରେ ଇନଷ୍ଟାଗ୍ରାମରେ ନିତାରାଙ୍କ ୱାର୍କ ଆଉଟ ଭିଡିଓ ସେୟାର କରିଥିଲେ । ଯେଉଁଥିରେ ସେ 6 ବର୍ଷର ନିତାରା ଜିମ୍ନାଷ୍ଟିକ ରିଙ୍ଗରେ ଝୁଲୁଥିବାର ଦେଖାଯାଇଛନ୍ତି ।
ଯଦି ଅକ୍ଷୟଙ୍କ ଫିଲ୍ମ ବିଷୟରେ କଥା ହେବା ତେବେ ନିକଟରେ ତାଙ୍କ ଫିଲ୍ମ 'କେସରୀ' ରିଲିଜ ହୋଇଥିଲା । ଯାହା ଏବର୍ଷର ଶାନଦାର ଓପନିଂ କରିବାରେ ସଫଳ ହୋଇପାରିଛି । ଏଯାବତ ଫିଲ୍ମଟି 125 କୋଟି ଟଙ୍କା ଆୟ କରିସାରିଲାଣି ।