ଅକ୍ଷୟଙ୍କ ପିଆଜ କାନଫୁଲ ଗିଫ୍ଟ: ଟ୍ବିଙ୍କଲ ଇମ୍ପ୍ରେସ

ସୋସିଆଲ ମିଡିଆରେ ଏକ ପିଆଜ କାନଫୁଲ ଖୁବ୍ ଭାଇରାଲ ହେଉଛି। ଯାହା ଅକ୍ଷୟ କୁମାର ତାଙ୍କ ପତ୍ନୀ ଟ୍ବିଙ୍କଲ ଖାନ୍ନାଙ୍କୁ ଉପହାର ଦେଇଛନ୍ତି । ଅଧିକ ପଢନ୍ତୁ...

ମୁମ୍ବାଇ : ରାଜ୍ୟଠୁ ଦେଶ ସବୁଠି ପିଆଜ ଚିନ୍ତା । ପାଆଜର ହୁ ହୁ ହୋଇ ବଢି ଚାଲିଥିବା ଦରକୁ ନେଇ ସମସ୍ତେ ଚିନ୍ତାପ୍ରକଟ କରିଛନ୍ତି । ଏହାକୁ ନେଇ ସୋସିଆଲ ମିଡିଆରେ ଅନେକ ମିମ୍ସ ମଧ୍ୟ ସେୟାର କରାଯାଉଛି । ନିକଟରେ ସୋସିଆଲ ମିଡିଆରେ ଏକ ପିଆଜ କାନଫୁଲ ଖୁବ୍ ଭାଇରାଲ ହେଉଛି। ଯାହା ଅକ୍ଷୟ କୁମାର ପତ୍ନୀ ଟ୍ବିଙ୍କଲ ଖାନ୍ନାଙ୍କୁ ଉପହାର ଦେଇଛନ୍ତି ।

ନିଜର ଅପକମିଙ୍ଗ୍ ଫିଲ୍ମ ଗୁଡ୍ ନ୍ୟୁଜର ପ୍ରମୋସନରେ ବ୍ୟସ୍ତ ଅଛନ୍ତି ଅକ୍କି। ନିକଟରେ ସେ ଏହି ଫିଲ୍ମ ପ୍ରମୋସନ ପାଇଁ କପିଲ ଶର୍ମା ଶୋ’ରେ ଯୋଗ ଦେଇଥିଲେ । ଏହି ଶୋ’ରେ ଅକ୍ଷୟ କୁମାର ପ୍ରଥମ ପିଆଜ ନିର୍ମିତ ଇୟରିଂ କରୀନାଙ୍କୁ ଅଫର କରିଥିଲେ। ମାତ୍ର କରୀନା ଏହାକୁ ଗ୍ରହଣ କରି ନଥିଲେ।

ଏହାପରେ ଅକ୍ଷୟ ପତ୍ନୀ ଟ୍ବିଙ୍କଲଙ୍କୁ ଉପହାର ଦେଇଥିଲେ। ଟ୍ବିଙ୍କଲ ଏହାକୁ ଇନଷ୍ଟାଗ୍ରାମରେ ସେୟାର କରିବା ସହ ଲେଖିଥିଲେ, 'କପିଲ୍ ଶର୍ମା ଶୋରୁ ଫେରିବା ପରେ ମୋ ପତିଦେବ ମୋତେ ଏକ ଖାସ୍ ଉପହାର ପ୍ରଦାନ କରିଛନ୍ତି। ସେ ପ୍ରଥମେ ଏହାକୁ କରୀନାଙ୍କୁ ଅଫର କରିଥିଲେ ମାତ୍ର ସେ ଏହାକୁ ରିଜେକ୍ଟ କରିବାରୁ ମୋତେ ପ୍ରଦାନ କରିଛନ୍ତି।’ କାରଣ ସେ ଖୁବ୍ ଭଲ ଭାବରେ ଜାଣିଛନ୍ତି ଯେ, ଏହା ମୋତେ ଖୁବ୍ ପସନ୍ଦ ଆସିବ।