ମୁମ୍ବାଇ:ବୁଧବାର ଆରମ୍ଭ ହେଲା ସୁପରଷ୍ଟାର ଅକ୍ଷୟ କୁମାରଙ୍କ ବହୁ ଚର୍ଚ୍ଚିତ ଫିଲ୍ମ ‘ବଚ୍ଚନ ପାଣ୍ଡେ’ର ସୁଟିଂ । ଯାହାକୁ ନେଇ ଉତ୍ସାହିତ ଷ୍ଟାର-କାଷ୍ଟ । ଫିଲ୍ମରେ ପୁଣିଥରେ ରୋମାନ୍ସ କରିବେ ସୁନ୍ଦରୀ ଅଭିନେତ୍ରୀ କିର୍ତ୍ତୀ ସାନନଙ୍କ ସହ ଅକ୍ଷୟ । ଖାଲି ଏତିକି ନୁହେଁ ପରଦାରେ ମଧ୍ୟ ପ୍ରଥମଥର ଖିଲାଡିଙ୍କ ସହ ଜମିବ ବି-ଟାଉନର ସର୍କିଟ ଅର୍ଶଦ ୱାରସୀଙ୍କ ଯୋଡି । ନିକଟରେ ସେ ଏହି ଫିଲ୍ମରେ ସାମିଲ ହୋଇଥିଲେ ।
ଜୈସଲମେରରେ ପୁରା ଟିମ କ୍ୟାମେରା ସାମ୍ନାରେ ପାରମ୍ପାରିକ ମହୁରତ ସଟ୍ ରଖି ସୁଟିଂ ଆରମ୍ଭ କରିଛନ୍ତି । ସେହିପରି ପରିବାର ସହିତ ଆସିଥିବା ନିର୍ମାତା ସାଜିଦ ନାଦିଆଦୱାଲାଙ୍କ ପତ୍ନୀ ୱାର୍ଦାଙ୍କୁ ନଡ଼ିଆ ଭାଙ୍ଗିବାର ସମ୍ମାନ ପ୍ରଦାନ କରାଯାଇଥିବା ବେଳେ ତାଙ୍କ ଦୁଇ ପୁଅ ଫିଲ୍ମର କ୍ଲାପର୍ ବୋର୍ଡରେ ପୋଜ୍ ଦେଇଥିବାର ନଜର ଆସୁଛନ୍ତି ।