ମୁମ୍ବାଇ: ପ୍ରଯୋଜକ ସାଜିଦ ନାଦିଆଦୱାଲାଙ୍କ ଆଗାମୀ ଆକ୍ସନ, କମେଡି ଫିଲ୍ମ ‘ବଚ୍ଚନ ପାଣ୍ଡେ’କୁ ନେଇ ଦର୍ଶକ ଏକ୍ସାଇଟେଡ । ଫିଲ୍ମରେ ଖିଲାଡି ଅକ୍ଷୟଙ୍କ ଦମଦାର ଅନ୍ଦାଜ ଦେଖିବାକୁ ମିଳିବ । ଆଉ ତାଙ୍କ ସହ ରୋମାନ୍ସ କରୁଥିବାର ନଜର ଆସିବେ ସୁନ୍ଦରୀ ଅଭିନେତ୍ରୀ କିର୍ତ୍ତୀ ସାନନ, ଜ୍ୟାକଲିନ ଫର୍ଣ୍ଣାଡେଜ । ସେହିପରି ନିକଟରେ ଫିଲ୍ମରେ ସାମିଲ ହୋଇଥିଲେ ବି-ଟାଉନର ସର୍କିଟ ଅର୍ଶଦ ୱାରସୀ । ପ୍ରଥମଥର ଅକ୍ଷୟଙ୍କ ସହ କାମ କରିବାକୁ ନେଇ ଉତ୍ସାହିତ ଅଛନ୍ତି ଅର୍ଶଦ ।
ନୂଆ ବର୍ଷ ସାଜିଦଙ୍କ ପାଇଁ ଭଲ ସାବ୍ୟସ୍ତ ହୋଇଛି । କାରଣ ସେ ପୁରା ଟିମ ସହ ଫିଲ୍ମ ସୁଟିଂ ପାଇଁ ବାହାରି ପଡିଛନ୍ତି । ଜୈସଲମେରରେ ଫିଲ୍ମର ସୁଟିଂ ଆସନ୍ତା 6 ତାରିଖରୁ ଆରମ୍ଭ ହେବ । ଏହାପୂର୍ବରୁ ଜୈସଲମେରର ପହଞ୍ଚିସାରିଛନ୍ତି ଷ୍ଟାର-କାଷ୍ଟ ।