ମୁମ୍ବାଇ: କିଛି ଦିନ ପୂର୍ବରୁ ପାକିସ୍ତାନରୁ ଫେରିଥିବା ଭାରତୀୟ ଏୟାରଫୋର୍ସ ପାଇଲଟ ଅଭିନନ୍ଦନ ବର୍ତ୍ତମାନଙ୍କ ଉପରେ ଫିଲ୍ମ ତିଆରି ହେବା ଖବର ଜୋର ଧରିଥିଲା । ଭାରତୀୟ ବାୟୁସେନା ଦ୍ବାରା ପାକିସ୍ତାନର ବାଲାକୋଟ ଅଞ୍ଚଳରେ କରାଯାଇଥିବା ଏୟାର ଷ୍ଟ୍ରାଇକ ଉପରେ ଫିଲ୍ମ ତିଆରି ହେବା ନିଷ୍ପତ୍ତି ନିଆସରିଥିଲା । ବାୟୋପିକ ତିଆରି ହେବାକୁ ଯାଉଛି ସତ । କିନ୍ତୁ ଏହି ଫିଲ୍ମଟି ଅଭିନନ୍ଦନଙ୍କ ଉପରେ ନୁହେଁ ବରଂ 1971ରେ ହୋଇଥିବା ଭାରତ-ପାକ୍ ଯୁଦ୍ଧ କାହାଣୀ ଉପରେ ତିଆରି ହେବ ।
ଏହି ଫିଲ୍ମରେ ସିଂଘମ ଅଜୟ ଦେବଗନ ମୁଖ୍ୟ ଭୂମିକାରେ ନଜର ଆସିବେ । ଅଜୟ ପୂର୍ବରୁ ଅନେକ ଥର ପୋଲିସ ଏବଂ ଆର୍ମୀ ଅଫିସର ଭୂମିକାରେ ଅଭିନୟ କରିସାରିଛନ୍ତି । କିନ୍ତୁ ଏଥର ସେ ବାୟୁସେନା ପାଇଲଟଙ୍କ ଭୂମିକାରେ ଦେଖାଯିବେ ।