ମୁମ୍ବାଇ: ଅଜୟ ଦେବଗନ, ଅନିଲ କପୁର ଓ ମାଧୁରୀ ଦୀକ୍ଷିତଙ୍କ ଚର୍ଚ୍ଚିତ ଫିଲ୍ମ 'ଟୋଟାଲ ଧମାଲ' ଶୁକ୍ରବାର ବଡ ପରଦାରେ ରିଲିଜ ହୋଇଯାଇଛି । ଏହି ଫିଲ୍ମ 'ଧମାଲ' ସିରିଜର ତୃତୀୟ ଭାଗ । ଗତ ସପ୍ତାହରେ ରିଲିଜ ହୋଇଥିବା ଫିଲ୍ମ 'ଗଲି ବୟ' ବକ୍ସ ଅଫିସରେ ଶାନଦାର ଆୟ କରିବାରେ ଲାଗିଛି । ଏମିତିରେ ଦେଖିବାକୁ ହେବ କି 'ଟୋଟାଲ ଧମାଲ' କେତେ ଧମାଲ କରିପାରୁଛି ।
ବଲିଉଡରେ ଏହି ଦିନରେ ରିକ୍ରିଏଟର ସମୟ ଚାଲିଛି । ଅନେକ ଫିଲ୍ମରେ କୌଣସି ନା କୌଣସି ପୁରୁଣା ଗୀତକୁ ରିକ୍ରିଏଟ କରାଯାଉଛି । ବିଶିଷ୍ଟ ଗାୟକ ଲତା ମଙ୍ଗେସକର ଅନେକଥର ରିକ୍ରିଏଟ ଭର୍ସନ ଉପରେ ଆପତ୍ତି କରିଛନ୍ତି । ଏବେ ପୁଣି 'ଟୋଟାଲ ଧମାଲ'ରେ ଗୀତ 'ମୁଙ୍ଗଡା'ର ରିକ୍ରିଏଟରେ ଖୁସି ନାହାଁନ୍ତି ଲତା । ଅନ୍ୟପଟେ ଲତାଙ୍କ ଆପତ୍ତିରେ ପ୍ରତିକ୍ରିୟା ଦେଇଛନ୍ତି ଅଜୟ ।