ହାଇଦ୍ରାବାଦ:ମିସ୍ ଇଣ୍ଡିଆ ତଥା ବଲିଉଡ଼ର ନୀଳ ନୟନା ଭାବରେ ପରିଚିତ ଐଶ୍ବର୍ଯ୍ୟା ରାୟଙ୍କ ଗର୍ଭବତୀକୁ ନେଇ ଚର୍ଚ୍ଚା ଜୋର ଧରିଛି । ଗତକାଲି(ରବିବାର) ମୁମ୍ବାଇର କଲିନା ଏୟାରପୋର୍ଟରେ ଏକ କଳା ରଙ୍ଗର ପୋଷାକରେ ଐଶ୍ ନଜର ଆସିବା ପରେ ଏହି ରୁମର ଉଠିଛି । ତେବେ ଏଥିରେ ଐଶ୍ବର୍ଯ୍ୟାଙ୍କ 'ବେବି ବମ୍ପ' ଦେଖାଯାଉଥିବା ନେଇ ସୋସିଆଲ ମିଡି଼ଆ ୟୁଜର୍ସମାନେ ଚର୍ଚ୍ଚା କରୁଛନ୍ତି ।
ଐଶ୍ ମଧ୍ୟପ୍ରଦେଶରେ ଆଗାମୀ ଫିଲ୍ମ Ponniyin Selvanର ସୁଟିଂ କରି ମୁମ୍ବାଇ ଫେରୁଥିବା ବେଳେ ପାପାରାଜି କ୍ୟାମେରାରେ କଏଦ ହୋଇଥିଲେ । ତେବେ ତାଙ୍କ ସହିତ ଝିଅ ଆରାଧ୍ୟ ମଧ୍ୟ ରହିଥିଲେ । ଏହି ଏୟାରପୋର୍ଟରେ ତାଙ୍କ ଭିଡ଼ିଓ ଓ ଫଟୋକୁ ନେଇ ନେଟିଜେନ୍ସମାନେ ସେ ଗର୍ଭବତୀ ଥିବା ଚର୍ଚ୍ଚା କରୁଛନ୍ତି । ତେବେ ଏ ପର୍ଯ୍ୟନ୍ତ ସ୍ବାମୀ ଅଭିଷେକ ବଚ୍ଚନ ଓ ଐଶ୍ ଏ ସମ୍ପର୍କରେ କୌଣସି ଅଫିସିଆଲ ଘୋଷଣା କରିନାହାନ୍ତି । ଏହି ବଚ୍ଚନ ଦମ୍ପତି ନିଜ ଦ୍ବିତୀୟ ସନ୍ତାନଙ୍କୁ ଜନ୍ମ ଦେବାକୁ ଯାଉଛନ୍ତି ବୋଲି ହେଉଛି ଚର୍ଚ୍ଚା ।