ସୁଶାନ୍ତଙ୍କ ନିଧନ ପରେ ବଲିଉଡ ସିକ୍ରେଟ ଖୋଲିଲେ ରବୀନା

ନିଜର ବିବାଦୀୟ ଟ୍ବିଟକୁ ନେଇ ବର୍ତ୍ତମାନ ଚର୍ଚ୍ଚାରେ ରବୀନା ଟଣ୍ଡନ । ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟାର ଦାୟୀ ସେ ବଲିଉଡକୁ କରିଛନ୍ତି ।

ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ନିଧନରେ ସମସ୍ତେ ଆଶ୍ଚର୍ଯ୍ୟ । ବର୍ତ୍ତମାନ ତାଙ୍କ ଆତ୍ମହତ୍ୟାକୁ ଆଧାର କରି ବଲିଉଡରେ ଜୋରସୋରରେ ଚର୍ଚ୍ଚା ଚାଲିଛି । ଇତିମଧ୍ୟରେ ଫେମସ ଅଭିନେତ୍ରୀ ରବୀନା ଟଣ୍ଡନ ସୋସିଆଲ ମିଡିଆରେ ବଲିଉଡକୁ ନେଇ ବଡ ଖୁଲାସା କରିଛନ୍ତି । ରବୀନା ସୋମବାର ଅନେକ ଟ୍ବିଟ କରିଥିଲେ । ଯେଉଁଥିରେ ସେ ବଲିଉଡ ସହ ସମ୍ପୃକ୍ତ ଅନେକ କଥା ସମସ୍ତଙ୍କୁ ଜଣାଇଥିଲେ ।

ସେ ଟ୍ବିଟ କରି ଲେଖିଥିଲେ, ‘କଣ ଏମିତି ହେଉଛି ଯେ ଆପଣଙ୍କୁ ଫିଲ୍ମରୁ ହଟେଇ ଦିଆଯାଉଛି । ହିରୋ ନିଜ ଗାର୍ଲଫ୍ରେଣ୍ଡଙ୍କୁ ଫିଲ୍ମରେ ନେଉଛନ୍ତି କିମ୍ବା ନିଜର କିଛି ଲୋକଙ୍କ ଜରିଆରେ ଫେକ ନ୍ୟୁଜ ପ୍ରଚାର କରି ଅନ୍ୟଙ୍କ କ୍ୟାରିୟର ଶେଷ କରିଦେଇଛନ୍ତି । ଆପଣଙ୍କୁ ବହୁତ ସଂଘର୍ଷ କରିବାକୁ ପଡିଥାଏ । ହେଲେ କିଛି ଲୋକ ଏହାକୁ ସହିଯାଆନ୍ତି ଆଉ କିଛି ସହିପାରନ୍ତି ନାହିଁ ।’

ସେହିପରି ସେ ଦ୍ବିତୀୟ ଟ୍ବିଟରେ ଲେଖିଥିଲେ,‘ ଯେବେ ଆପଣ ଏମାନଙ୍କ ବିରୋଧରେ ସ୍ବର ଉଠାଉଛନ୍ତି ତେବେ ଆପଣଙ୍କୁ ମିଛୁଆ କୁହାଯାଏ । ପାଗଳ କୁହାଯାଏ । ଏହି ଇଣ୍ଡଷ୍ଟ୍ରି ସହ ସମ୍ପୃକ୍ତ ହୋଇ ମୁଁ ଋଣି । ହେଲେ ଏହା ହିଁ ଇଣ୍ଡଷ୍ଟ୍ରିର ବାସ୍ତବତା । ଏମିତି କାହାରି ସହ ମଧ୍ୟ ହୋଇପାରେ । ଯିଏ ଇଣ୍ଡଷ୍ଟ୍ରିରେ ଜନ୍ମିତ ଇନସାଇଡର ଯେମିତି ମୁଁ । କିମ୍ବା ଆଉଟସାଇଡର । ସେମାନେ ମତେ ଯେତେ ଦବେଇବାକୁ ଚେଷ୍ଟା କଲେ ମୁଁ ସେତିକି ଫାଇଟ ବ୍ୟାକ କରିଥିଲି । ଖରାପ ରାଜନୀତି ସବୁ ସ୍ଥାନରେ ଚାଲିଛି ।’