ମୁମ୍ବାଇ: ପ୍ରଖ୍ୟାତ ଫିଲ୍ମନିର୍ମାତା ଏସଏସ.ରାଜାମୌଲୀଙ୍କ ଆଗାମୀ ପ୍ରୋଜେକ୍ଟ 'RRR'କୁ ନେଇ କିଛିଦିନ ହେବ ଜୋରଦାର ଚର୍ଚ୍ଚା ଚାଲୁଥିବାବେଳେ ଏବେ ଫିଲ୍ମକୁ ନେଇ ସାମନାକୁ ଆସିଛି ଆଉ ଏକ ବଡ ଖବର। କିଛିଦିନ ତଳେ ଏହି ତେଲୁଗୁ ଫିଲ୍ମରେ ଆଲିୟା ଓ ଅଜୟଙ୍କ ଏଣ୍ଟ୍ରିକୁ ନେଇ ଖୁଲାସା ହୋଇଥିବାବେଳେ ଏବେ ଯୋଗ ଦେବାକୁ ଯାଉଛନ୍ତି ବଲିଉଡର ଆଉ ଦୁଇ ସୁପରଷ୍ଟାର।
ବାହୁବଳୀ ପରେ ରାଜାମୌଲୀଙ୍କ ବିଗ ବଜେଟ ଫିଲ୍ମ 'RRR'ରେ ଜୁନିୟର ଏନଟିଆର ଓ ରାମଚରଣଙ୍କୁ ଏକାଠି ଦେଖିବାକୁ ପାଇବେ ଦର୍ଶକ। ଆଉ ଫିଲ୍ମରେ ତଡକା ଲଗାଇବାକୁ ସେମାନଙ୍କ ସହ ନଜର ଆସିବେ ବଲିଉଡ ବ୍ୟୁଟି ଆଲିୟା ଭଟ୍ଟ ଓ ଆକ୍ସନ କିଙ୍ଗ ଅଜୟ ଦେବଗନ। କିନ୍ତୁ ଏବେ ଏମାନଙ୍କ ଯୋଶ ବଢାଇବାକୁ ସାମିଲ ହୋଇପାରନ୍ତି ବରୁଣ ଧୱନ ଓ ବାବା( ସଞ୍ଜୟ ଦତ୍ତ)।