ମୁମ୍ବାଇ: କିଛି ଦିନ ହେବ ଚର୍ଚ୍ଚାରେ ଲୋକପ୍ରିୟ ଅଭିନେତ୍ରୀ ଡିମ୍ପଲ କାପାଡିଆ । ନିକଟରେ ଲଣ୍ଡନରେ ରିଲିଜ ହୋଇଥିଲା ତାଙ୍କ ପ୍ରଥମ ହଲିଉଡ ଫିଲ୍ମ ଟେଣ୍ଟ । ଯେଉଁଥିରେ ତାଙ୍କ ଅଭିନୟର ପ୍ରଶଂସା ବର୍ତ୍ତମାନ ସବୁ ମହଲରେ ଦେଖିବାକୁ ମିଳୁଛି । ନିକଟରେ ବି-ଟାଉନର ଡିଭା ସୋନମ କପୁର ଲଣ୍ଡନ ସିନେମାହଲରେ ସ୍ବାମୀ ଆନନ୍ଦ ଆହୁଜାଙ୍କ ସହ ଫିଲ୍ମ ଦେଖି ଡିମ୍ପଲଙ୍କ ପ୍ରଶଂସା କରିଥିଲେ । ଆଉ ଏବେ ମା' ଡିମ୍ପଲଙ୍କୁ ପ୍ରଶଂସା କରିବାରେ ଥକୁନାହାଁନ୍ତି ଝିଅ ତଥା ଅଭିନେତ୍ରୀ ଟ୍ବିଙ୍କଲ ଖାନ୍ନା । ସେ ମଧ୍ୟ ଥିଏଟରରେ ଏହି ଫିଲ୍ମ ଦେଖି ଖୁସି ଅନୁଭବ କରୁଛନ୍ତି ।
ସେ ସ୍ବାମୀ ତଥା ସୁପରଷ୍ଟାର ଅକ୍ଷୟ କୁମାରଙ୍କ ଆଗାମୀ ଫିଲ୍ମ ‘ବେଲ ବଟମ’ ପାଇଁ ୟୁକେରେ ଅଛନ୍ତି । ଏଥି ନିମନ୍ତେ ସେ ମା'ଙ୍କ ଫିଲ୍ମ ସିନେମାହଲରେ ଦେଖିବାକୁ ସୁଯୋଗ ପାଇପାରିଛନ୍ତି ।