ବର୍ଷେ ପରେ ପୁଣି ଚର୍ଚ୍ଚାରେ ରିଆ; କଲେ ସାରାଙ୍କ ସହ ଗଞ୍ଜେଇ କନେକ୍ସନ ଖୁଲାସା

ବଲିଉଡ ଡ୍ରଗ୍ସ କେସରେ ସାରାଙ୍କ ନାଁରେ ସାଙ୍ଘାତିକ ଅଭିଯୋଗ ଆଣିଲେ ରିଆ । କହିଲେ ସାଙ୍ଗ ହୋଇ ତିଆରି କରୁଥିଲେ ଗଞ୍ଜେଇ ସିଗାରେଟ । ଅଧିକ ପଢନ୍ତୁ...

ମୁମ୍ବାଇ: ଆଉ କିଛି ଦିନ ପରେ ଦିବଙ୍ଗତ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁକୁ ଏକ ବର୍ଷ ପୂରଣ ହେବାକୁ ଯାଉଛି । ହେଲେ ଏଯାବତ ତାଙ୍କ ମୃତ୍ୟୁ ସହ ଜଡିତ ଥିବା ଡ୍ରଗ୍ସ ମାମଲାର ଯାଞ୍ଚ କରୁଛି ଏନସିବି । ଏହି ବଲିଉଡ ଡ୍ରଗ୍ସ କେସରେ ପ୍ରଥମେ ତାଙ୍କ କଥିତ ଗାର୍ଲଫ୍ରେଣ୍ଡ ତଥା ଅଭିନେତ୍ରୀ ରିଆ ଚକ୍ରବର୍ତ୍ତୀଙ୍କ ନାମ ଆସିଥିଲା । ଯାହାପାଇଁ ତାଙ୍କୁ ଏକ ମାସ ଜେଲରେ ମଧ୍ୟ ରହିବାକୁ ପଡିଥିଲା । ରିଆଙ୍କ ବ୍ୟତୀତ ଅନେକ ବଲିଉଡ ସେଲିବ୍ରିଟିଙ୍କ ନାମ ଏହି ମାମଲାରେ ସାମ୍ନାକୁ ଆସିସାରିଛି । ଏଯାବତ ଏହାର ଯାଞ୍ଚ କରୁଛି ଏନସିବି । ଇତିମଧ୍ୟରେ ବଡ ରିଆ ଏକ ବୟାନ ଜାରି କରିଛନ୍ତି । ଯେଉଁଥିରେ ସେ ଅଭିନେତ୍ରୀ ସାରା ଅଲ୍ଲୀ ଖାନଙ୍କ ବିଷୟରେ ବଡ ଖୁଲାସା କରିଛନ୍ତି ।

ନିଜର ନୂଆ ବୟାନରେ ରିଆ, ସାରାଙ୍କ ଉପରେ ଅନେକ ସାଙ୍ଘାତିକ ଅଭିଯୋଗ ଆଣିଛନ୍ତି । ସାରା ଆଇସକ୍ରିମରେ ଗଞ୍ଜେଇ ମିଶି ଖାଉଥିଲେ । ଏହା ବିଷୟରେ ସେ ତାଙ୍କ ସହ ଆଲୋଚନା ମଧ୍ୟ କରିଥିଲେ । ଏନସିବିକୁ ଦେଇଥିବା ଏହି ବୟାନରେ ରିଆ ଆହୁରି ଜଣାଇଛନ୍ତି ଯେ ସାରାଙ୍କ ସହ ମିଶି ସେ ଗଞ୍ଜେଇ ମିଶା ସିଗାରେଟ ତିଆରି କରୁଥିଲେ ଆଉ ଏହାକୁ ସେବନ କରୁଥିଲେ ।