ମୁମ୍ବାଇ: ନିକଟରେ ଦେଶୀ ଗାର୍ଲ ପ୍ରିୟଙ୍କା ଚୋପ୍ରାଙ୍କ ଲେଖିତ ଅଟୋବାୟୋଗ୍ରାଫି ‘ଅନଫିନିସଡ୍’ ପ୍ରକାଶିତ ହୋଇଥିଲା । ଯାହାକୁ ନେଇ ତାଙ୍କ ଖୁସି ନକହିଲେ ସରେ । ଏହି ବହିରେ ନିଜ ଜୀବନର ସବୁ କିଛି ଲେଖିଛନ୍ତି ଅଭିନେତ୍ରୀ । ଇତିମଧ୍ୟରେ ଶୁଣିବାକୁ ମିଳୁଛି ଯେ ନିଜ ଖାସ୍ ବନ୍ଧୁ ତଥା ସୁପରଷ୍ଟାର ହ୍ରିତିକ ରୋଶନଙ୍କୁ ନିଜ ବହିର ଏକ କପି ପଠାଇଥିଲେ ସେ । ଆଉ ଯାହାକୁ ଖୁସିରେ ଗ୍ରହଣ କରି ହ୍ରିତିକ ତାଙ୍କ ପ୍ରଶଂସା କରିଛନ୍ତି । ଏହି ଯୋଡି 2006ରେ ଆସିଥିବା ରୋମାନ୍ସ-ଆକ୍ସନ ସୁପରହିରୋ ଫିଲ୍ମ ‘କ୍ରିସ୍’ରେ ଅଭିନୟ କରିଥିଲେ । ଫିଲ୍ମଟି ବ୍ଲକବଷ୍ଟର ସାବ୍ୟସ୍ତ ହୋଇଥିଲା ।
ସେପଟେ ପ୍ରିୟଙ୍କାଙ୍କ ବହିର ଏକ ଫଟୋ ଇନଷ୍ଟାଗ୍ରାମ ଷ୍ଟୋରିରେ ସେୟାର କରି ହ୍ରିତିକ ଲେଖିଛନ୍ତି, ‘ଅନଫିନିସଡ୍ । ଅନଷ୍ଟପଏବଲ। ଭିନ୍ନ ପ୍ରକାରର । ଶୁଭେଚ୍ଛା ପିସି । ଓସ୍କାର କେବଳ ଆରମ୍ଭ । ଯିବାକୁ ଅଧିକ ବାଟ ଅଛି । ଭଗବାନ ଆପଣଙ୍କୁ ଅଧିକ ଶକ୍ତି ଦିଅନ୍ତୁ ।’